ધોરાજીમાં જામકંડોરણા જકાતનાકા પાસે રોડની સાઈડમાં બેઠેલા દંપતીને રોંગ સાઈડમાં ધસી આવેલી ઇકો કારે હડફેટે લીધું હતું. જેમાં પતિ–પત્ની બંનેને ઇજા પહોંચતા સારવાર માટે હોસ્પિટલ ખસેડવામાં આવ્યા હતા. ગંભીર રીતે ઘવાયેલી પરિણીતાનું સારવાર દરમિયાન મોત થયું હતું. આ અંગે યુવાનની ફરિયાદ પરથી પોલીસે ચાલક સામે ગુનો નોંધી જરી કાર્યવાહી કરી હતી.
અકસ્માતના આ બનાવની જાણવા મળતી વિગતો મુજબ, ધોરાજીમાં જામકંડોરણા જકાતનાકા પાસે ખાડામાં રહેતા સંજય ધનજીભાઈ ડાભી (ઉ.વ ૩૦) અને તેમના પત્ની પાબેન સંજયભાઈ ડાભી (ઉ.વ ૨૪) બંને ગત તા. ૫૮ ના સાંજના સમયે ઘર પાસે જેતપુર ચોકડીથી જકાતનાકા વચ્ચેના રોડ પર સાઈડમાં બેઠા હતા દરમિયાન ઇકો કાર નંબર જીજે ૧૧ બીઆર ૦૮૭૦ પુરપાટ ઝડપે રોંગ સાઈડમાં ધસી આવી હતી અને તેણે દંપતીને લીધું હતું.
અકસ્માતમાં પતિ પત્ની બંનેને ઈજા પહોંચી હોય સારવાર માટે હોસ્પિટલ ખસેડવામાં આવ્યા હતા જેમાં પરણીતા કૃપાબેનને ગંભીર ઈજા પહોંચી હોય તેમને જૂનાગઢ સિવિલ હોસ્પિટલ ખસેડવામાં આવી હતી. અહીંથી રાજકોટ સિવિલ હોસ્પિટલ લઈ જતા હતા દરમિયાન રસ્તામાં બેભાન થઈ જતા પરત જૂનાગઢ હોસ્પિટલ લઈ ગયા હતા. યાં ફરજ પરના તબીબે જોઈ તપાસી પરણિતાને મૃત જાહેર કરી હતી.
અકસ્માતમાં મોતને ભેટનાર પાબેનને સંતાનમાં ત્રણ વર્ષનો પુત્ર રોનક અને એક વર્ષનો પુત્ર રોહન હોવાનું જાણવા મળ્યું છે. તેના પતિ સંજયભાઈ મજૂરી કામ કરી પરિવારનું ગુજરાન ચલાવે છે. અકસ્માતની આ ઘટના અંગે સંજયભાઈ ડાભીની ફરિયાદ પરથી ધોરાજી સિટી પોલીસે છે ઇકો નંબર જીજે ૧૧ બીઆર ૦૮૭૦ ના ચાલક સામે ગુનો નોંધી ધોરણસરની કાર્યવાહી કરી હતી