પોરબંદર સેનિટેશન કમિટીના ચેરમેને વાડીપ્લોટ શાકમાર્કેટ પાસે આવેલ સાર્વજનિક તેમજ પાલિકા સંચાલિત બગીચાની મુલાકાત લઇ સફાઈ કામગીરીનું નિરીક્ષણ કર્યું હતુ. 
પોરબંદર-છાંયા નગરપાલિકાના સેનિટેશન કમિટીના ચેરમેન લાખાભાઇ ભોજાભાઇ ખુંટી તેમજ છાંયા નગરપાલિકા પુર્વ પ્રમુખ ભોજાભાઈ કાનાભાઈ ખુંટીને વાડીપ્લોટ માર્કેટ પાસે આવેલા સાર્વજનિક તેમજ નગરપાલિકા દ્વારા સંચાલિત બગીચામાં રાખેલ સફાઈ કામદાર સફાઈ કામગીરી વ્યવસ્થિત નહી કરતા હોવાની ફરીયાદ આવતા સેનિટેશન કમિટીના ચેરમેન તેમજ છાંયા નગરપાલિકાના પુર્વ પ્રમુખ ભોજાભાઈ કાનાભાઈ ખુંટી તાત્કાલિક દોડી ગયા હતા તેમજ તાત્કાલિક ધોરણે કામગીરી હાથ ધરવામાં આવી હતી
 તેમજ ત્યાંના સફાઈ કામદારોને સુચના આપવામાં આવી છે કે, જો હવે પબ્લિકની ફરીયાદ આવશે તો ત્યાં ફરજ બજાવતા કર્મચારીને છુટ્ટા કરવામાં આવશે,તેવી ખાસ સુચના આપવામાં આવી હતી. જેમાં પોરબંદર-છાંયા નગરપાલિકાના સેનિટેશન કમિટીના ચેરમેન લાખાભાઇ ભોજાભાઇ ખુંટી તેમજ છાંયા નગરપાલિકાના પુર્વ પ્રમુખ ભોજાભાઈ કાનાભાઈ ખુંટી તેમજ હેલ્થ ઓફિસર જગદીશભાઈ ઢાંકી હાજર રહ્યા હતા.