બનાવની જાણવા મળતી વિગતો મુજબ, નરસંગપરા શેરી નંબર-1 માં રહેતા સાહિલ મહંમદભાઈ જાફર (ઉ.વ 23) નામના યુવાને એ ડિવિઝન પોલીસ સ્ટેશનમાં નોંધાવેલી ફરિયાદમાં આરોપી તરીકે આર્યન, અમુ,અબુ તથા તેની સાથેના બે અજાણ્યા શખસોના નામ આપ્યા છે.

યુવાને ફરિયાદમાં જણાવ્યું હતું કે,ગઈકાલ રાત્રિના તે આઈપીમિશન સ્કૂલની બાજુમાં મુસ્લિ પાસે ચાલીને જતો હતો ત્યારે આરોપીઓએ અહીં તેની પાસે ધસી આવી કહ્યું હતું કે, તું તારા મિત્ર ફેઝલ સાથે હોય ત્યારે બહુ હવા કરે છે? તેમ કહી તેની સાથે ઝઘડો કરી તેના પર છરી વડે હુમલો કરી દીધો હતો. યુવાનને ડાબા પગમાં છરીના બે ઘા મારી દીધા હતા. બાદમાં ઢીકાપાટુનો મારમાર્યો હતો. દરમિયાન યુવાનના મિત્ર અહીં આવી જતા આ શખસો અહીંથી ચાલ્યા ગયા હતા. હુમલામાં ઘવાયેલા યુવાનને સારવાર માટે હોસ્પિટલ ખસેડવામાં આવ્યો હતો. ત્યારબાદ તેણે આ અંગે ફરિયાદ નોંધાવતા પોલીસે આરોપીઓ સામે રાયોટ સહિતની કલમ હેઠળ ગુનો નોંધી કાયદેસરની કાર્યવાહી કરી છે.