દ્વારકામાં આવેલી જૂની નગરપાલિકા કચેરી પાછળ વણકર વાસ ખાતે રહેતા પ્રકાશ ઉર્ફે પકો રામજીભાઈ કારાણી નામના 40 વર્ષના દ્વારા પોતાના કબજા ભોગવટાના રહેણાંક મકાનમાં દેશી દારૂ ગાળવાની ભઠ્ઠી ચલાવવામાં આવતી હતી. અહીંથી પોલીસે દરોડો પાડીને 43 લિટર દારૂ, 600 લીટર દારૂ બનાવવાનો આથો, ગેસ સિલિન્ડર, તાંબાની નળી, ચૂલા, અખાદ્ય ગોળ, વિગેરે મળી, કુલ રૂપિયા 27,500 ના મુદ્દામાલ સાથે આરોપી પ્રકાશ ઉર્ફે પકો રામજી વણકરની અટકાયત કરી હતી.

અન્ય એક કાર્યવાહીમાં આ જ વિસ્તારમાં રહેતા નરેન્દ્ર ઉર્ફે રાહુલ રણમલભાઈ કારાણી (ઉ.વ. 31) એ પણ પોતાના મકાનમાં દેશી દારૂની ભઠ્ઠી ચલાવતા પોલીસે તેને ઝડપી લઇ, કુલ રૂપિયા 25,900 નો મુદ્દામાલ કબજે કરી, આ બંને સામે પ્રોહી. એક્ટ હેઠળ ધોરણસર કાર્યવાહી કરવામાં આવી હતી.