જ્યારે ગુજરાત ડ્રાય સ્ટેટ તરીકે પોતાની ઓળખ જાળવી રાખે છે ત્યારે તાજેતરના પોલીસ ડેટા જમીની પરિસ્થિતિનું જટિલ ચિત્ર રજૂ કરે છે. 2024ના ડેટા અનુસાર, રાજ્યમાં વર્ષ દરમિયાન 144 કરોડ રૂપિયાના મૂલ્યના ભારતીય બનાવટના વિદેશી દારૂ (આઈએમએફએલ) ની કુલ 82,00,000 બોટલ જપ્ત કરવામાં આવી હતી - સરેરાશ ચાર સેકન્ડમાં એક બોટલ જપ્ત કરવામાં આવી હતી. 2024ના ડેટા દર્શાવે છે કે અમદાવાદ શહેર, અમદાવાદ ગ્રામીણ અને પશ્ચિમ રેલ્વે, અમદાવાદ અધિકારક્ષેત્રમાં કુલ 4,38,047 આઈએમએફએલ બોટલ જપ્ત કરવામાં આવી હતી.

એકલા અમદાવાદ શહેરમાં જ આઈએમએફએલ સાથે સંકળાયેલા 2,139 કેસ નોંધાયા હતા, જેમાં 5.78 કરોડ રૂપિયાની કિંમતની 3.06 લાખ બોટલ જપ્ત કરવામાં આવી હતી. સરેરાશ દર બીજી મિનિટે એક બોટલ જપ્ત કરવામાં આવી હતી. વધુમાં શહેરમાં દેશી દારૂ સાથે સંકળાયેલા 7,796 કેસ નોંધાયા હતા, જેમાં 55.45 લાખ રૂપિયાની કિંમતનો 1.58 લાખ લિટર દારૂ જપ્ત કરવામાં આવ્યો હતો. આ આંકડો પોલીસ કાર્યવાહી દ્વારા જાણવા મળ્યો છે. આ કાર્યવાહીમાં વડોદરા ગ્રામીણ અગ્રણી હતું, જ્યાં જપ્તીઓ ચાર્ટમાં ટોચ પર હતી. અધિકારીઓએ ટ્રક અને ગોડાઉનના ગુપ્ત ડબ્બામાં છુપાયેલી 9.8 કરોડ રૂપિયાની આઈએમએફએલ બોટલો શોધી કાઢી હતી.

સુરત ગ્રામીણમાં, સમાન કાર્યવાહીમાં 8.9 કરોડ રૂપિયાની આઈએમએફએલ બોટલો શોધી કાઢવામાં આવી હતી, જે આંતરરાજ્ય પરિવહન રેકેટમાં ઘરગથ્થુ માલ તરીકે કાળજીપૂર્વક છુપાવીને લઇ જવામાં આવતી હતી. ત્યારબાદ નવસારીમાં 8.8 કરોડ રૂપિયાની 6.23 લાખ આઈએમએફએલ બોટલો જપ્ત કરવામાં આવી હતી. આ ગેરકાયદેસર દારૂ પડોશી રાજ્યોમાં કાર્યરત હાઇ-ટેક ઉત્પાદન એકમોમાંથી મળી આવ્યો હતો. ગોધરા પણ 8.8 કરોડ રૂપિયાના આઈએમએફએલ જપ્ત કરીને સમાચારોમાં ચમક્યું, જે બુટલેગરોના તહેવારોની ઋતુનો લાભ લઈને બજારમાં છવાઈ જવાના પ્રયાસોને દર્શાવે છે.

ભાવનગરમાં  8.7 કરોડ રૂપિયાના આઈએમએફએલ અને દેશી દારૂનો જથ્થો જપ્ત થયો અને ભાવનગરએ ટોચના પાંચ શહેરોમાં સ્થાન મેળવ્યું, જેનાથી દાણચોરોની સર્જનાત્મકતા છતી થઈ. અધિકારીઓએ પાણીની ટાંકીઓમાં અને તાજા શાકભાજી ભરેલા વાહનોમાં દારૂ શોધી કાઢ્યો, જે હાઇવે ચેકપોઇન્ટ પર નિરીક્ષણ કરનારાઓને ગેરમાર્ગે દોરવા માટે રચાયેલ છે. વધતા પડકારો છતાં પોલીસ ટીમો દારૂબંધી કાયદા લાગુ કરવા માટે નજીકના સંકલનમાં કામ કરી રહી છે. એક વરિષ્ઠ અધિકારીએ જણાવ્યું કે દાણચોરો માટે દરોડા એ તેમને યાદ અપાવે છે કે તેમની યુક્તિઓ ગમે તેટલી નવીન હોય તેમને કાયદાનું ઉલ્લંઘન કરવાની મંજૂરી આપવામાં નહીં આવે. તેમના માટે સંદેશ સ્પષ્ટ છે કે ગાંધીની ભૂમિમાં અરાજકતાની ભાવના માટે કોઈ જગ્યા નથી . બીજી બાજુ, એક નિવૃત્ત ડીજીપી એ કહ્યું કે પાડોશી રાજ્યોમાંથી દારૂના પ્રવાહ અને દાણચોરીને રોકવી માનવીય રીતે શક્ય નથી.

ગેરકાયદેસર વેપાર રોકવા માટે પોલીસને સ્થાનિક તૈયાર થતા દારૂ પર પણ કડક કાર્યવાહી કરવાની જરૂર છે. પોલીસે જણાવ્યું કે તકેદારીના અભાવે બીજી હૂચ દુર્ઘટના સર્જાઈ શકે છે. જુલાઈ 2009 માં, અમદાવાદ શહેરમાં હૂચ દુર્ઘટના નોંધાઈ હતી, જેમાં 148 લોકો માર્યા ગયા હતા.