અમરેલી જિલ્લ ાના છેવાડાના ગ્રામીણ તાલુકા મથક એવા વડિયાની ભાગોળે આવેલા ઢૂંઢિયા પીપળીયા ગામથી થોડે દૂર આવેલા ચામુંડાના મંદિર વિસ્તારની જગ્યામાં ૫૦૦ મીટર જેટલાં વિસ્તારમાં જમીનમાં ખાડા પડીને લાવા જેવો કાળો પદાર્થ નીકળતા અનેક તર્ક વિતર્ક સર્જાતા જોવા મળ્યા છે. માતાજીના મંદિર પાસે આ ઘટના બનતા કોઈ ધાર્મિકતા સાથે જોડે છે તો કોઈ લાવારસ હોવાનુ જણાવે છે ત્યારે સ્થાનિક આગેવાનો દ્વારા તાલુકા વહીવટી તંત્રને જાણ કરી આ બાબતે ભુસ્તર વિભાગને જાણ કરવા અને આ જગ્યામાં નીકળેલા પદાર્થની તપાસ કરવા અપીલ કરાઈ છે. ત્યારે લાવરસ જેવો કાળો પદાર્થ નીકળતા અનેક તર્ક વિતર્ક જોવા મળી રહ્યા છે.