જૂનાગઢના સક્કરબાગ ઝુમાંથી એક રીંછ બહાર નીકળી જતા ઝૂ તંત્રમાં દોડધામ થઈ હતી. રીછ પાંજરામાંથી વૃક્ષની ડાળીનો સહારો લઈ દિવાલ કૂદીને ઝૂ પાછળ આવેલ સોસાયટીમાં પહોંચી ગયું હતું ત્યાં સુધી સકરબાગ ના સત્તાધિશોને જાણ જ ન હતી પરંતુ ત્યારબાદ સોસાયટીના લોકોએ જાણ કરતા રેસ્કયુ કાફલો પહોંચ્યો હતો અને બેભાન કરી રીંછને ફરી પાંજરે પુયુ હતું સમગ્ર ઘટનામાં સકરબાગ તંત્રની સુરક્ષા વ્યવસ્થા સામે પણ પ્રશ્નાર્થ સર્જાયા છે.

સમગ્ર ઘટના સીસીટીવીમાં પણ કેદ થઈ

નવાબી કાળનું સૌથી જૂનું સક્કરબાગ ઝુ પ્રવાસીઓમાં હોટ ફેવરિટ છે દર વર્ષે લાખો લોકો સકરબાગ નિહાળવા આવે છે. સકરબાગ ઝૂમાં પાછળના ભાગે મીની સફારી પાર્ક આવેલ છે યાં વાઘ સિંહ દીપડા રીંછ સહિતના વન્ય પ્રાણીઓ રહેલા છે. રીંછ જે પાંજરામાં છે તેમાં મોટું વૃક્ષ આવેલું છે. ચબરાક રીંછ વૃક્ષની પાતળી ડાળીઓ પકડીને તે વૃક્ષ પર ચડી ઝુની દિવાલ કૂદીને બહાર નીકળી ગયું હતું. સમગ્ર ઘટના સીસીટીવીમાં પણ કેદ થઈ છે. ત્યારબાદ સકરબાગ ની પાછળ આવેલ કસ્તુરબા સોસાયટીમાં રહેણાંક વિસ્તારમાં રીંછ પહોંચી ગયું હતું. સકરબાગ તંત્રને રીંછ ગાયબ હોવાની જાણ થતા શોધવા માટે દોડધામ કરતા હતા.

સુરક્ષા વ્યવસ્થા સામે પ્રશ્નાર્થ સર્જાયા છે

ત્યારબાદ સત્તાધિશોને જાણ થતા સકરબાગ નો સ્ટાફ રેસ્કયુ કરવા પહોંચ્યો હતો અને બેભાન કરી ફરી પાંજરે પુરવામાં આવ્યું હતું. સમગ્ર ઘટનામાં જે દિવાલ કૂદીને બહાર ગયું ત્યાં રીંછના નખના નિશાન પણ જોવા મળ્યા હતા. સીસીટીવી ફૂટેજ અને સુરક્ષા વ્યવસ્થાના દાવા છતાં રીંછ સોસાયટી વિસ્તારમાં પહોંચી જતા સુરક્ષા વ્યવસ્થા સામે પ્રશ્નાર્થ સર્જાયા છે.