કુતિયાણાના પસવારી ગામે જીલ્લા કલેકટરના માર્ગદર્શન હેઠળ રાહત-બચાવ કામગીરી માટે એસ.ડી.આર.એફ.ની  ટીમને મોકલવામાં આવી હતી અને કુતિયાણા પંથકના વાડીવિસ્તારમાં ફસાયેલ દંપતી સહિત તેના શ્ર્વાનનું રેસ્ક્યુ કર્યુ હતું.
કુતિયાણાના પસવારી ગામે રાહત બચાવ કામગીરી માટે પોરબંદરથી એસ.ડી.આર.એફ.ની ટીમને મોકલવામાં આવી હતી.પોરબંદર જિલ્લામાં ભાદર નદીના પાણીની લીધે વાડી વિસ્તારમાં કેટલાક લોકો હજુ ફસાયેલા છે.વાડી વિસ્તારના લોકોને મદદ પહોંચાડી શકાય તે માટે તેમજ જ‚ર પડે ત્યારે રેસ્ક્યુ કામગીરી માટે કલેકટર એસ.ડી. ધાનાણીના માર્ગદર્શન હેઠળ પોરબંદર થી એસ.ડી.આર.એફ.ની એક ટીમ કુતિયાણાના પસવારી ગામે રવાના કરવામાં આવી છે તેમ સાથે સંકલન કરતા ડી.પી.ઓ.  ગૌતમ વાળાએ માહિતી આપતા જણાવ્યુ હતુ.
વાડી વિસ્તારમાં  દંપતી તેના બે વર્ષના બાળક અને શ્ર્વાન સાથે ફસાઇ જતા કોસ્ટગાર્ડ, પોલીસ અને રેવન્યુ તંત્રના સહિયારા પ્રયાસોથી તેનુ રેસ્ક્યુ કરવામાં આવ્યુ હતું.