ગુજરાત સરકારે આજે એક મહત્વપૂર્ણ નિર્ણય લેતા રાજ્યમાં 9 નવી મહાનગર પાલિકાની જાહેરાત કરી છે. આ સાથે જ રાજ્યમાં મહાનગર પાલિકાઓની સંખ્યા વધીને 17 થઈ ગઈ છે. સરકારે આ નવી મહાનગર પાલિકાઓના સુચારુ વહીવટ માટે મ્યુનિસિપલ કમિશનરની નિમણૂંક પણ કરી દીધી છે.

કઈ નગરપાલિકાઓ બની મહાનગર પાલિકા?

સરકાર દ્વારા જાહેર કરાયેલી યાદી મુજબ, નીચેની નગરપાલિકાઓને મહાનગર પાલિકાનો દરજ્જો આપવામાં આવ્યો છે. નવસારી, વાપી, આણંદ, નડિયાદ, મહેસાણા, સુરેન્દ્રનગર, મોરબી, પોરબંદર, ગાંધીધામ આ નવ શહેરો હવેથી મહાનગર પાલિકા તરીકે ઓળખાશે અને તેમનો વહીવટ પણ તે મુજબ ચાલશે.

મહાનગર પાલિકા બનવાથી શું બદલાશે?

મહાનગર પાલિકાનો દરજ્જો મળવાથી આ શહેરોમાં અનેકવિધ ફેરફારો આવશે. જેમાં મુખ્યત્વે શહેરી આયોજન, માળખાકીય સુવિધાઓ, નાગરિક સેવાઓ અને વહીવટી સંચાલનમાં સુધારો થશે. આ ઉપરાંત, શહેરોને વિકાસ માટે વધુ ભંડોળ ઉપલબ્ધ થશે અને મોટા પ્રોજેક્ટ્સને અમલમાં મૂકવાનું સરળ બનશે.

આ અધિકારીઓને મળી જવાબદારી

સ્વપ્નિલ ખરે, મ્યુનિસિપલ કમિશનર, મોરબી

મિલિંદ બાપના, મ્યુનિસિપલ કમિશનર, આણંદ

મિરાંત જતીન પારેખ, મ્યુનિસિપલ કમિશનર, નડીયાદ

યોગેશ ચૌધરી, મ્યુનિસિપલ કમિશનર, વાપી

રવિન્દ્ર ધ્યાનેશ્વર ખટાલે, મ્યુનિસિપલ કમિશનર, મહેસાણા

જી.એ. સોલંકી, મ્યુનિસિપલ કમિશનર, સુરેન્દ્રનગર

શ્રીદેવ ચૌધરી, મ્યુનિસિપલ કમિશનર, નવસારી

એચ.જે. પ્રજાપતિ, મ્યુનિસિપલ કમિશનર, પોરબંદર

એમ.પી. પંડ્યા, મ્યુનિસિપલ કમિશનર, ગાંધીધામ