પ્રભાસ પાટણના ઓજી વિસ્તારમાંથી પ્રતિબંધિત દરિયાઈ રેતીની ખનીજ ચોરીના કૌભાંડનો જાગૃત નાગરીકની માહિતીથી પર્દાફાશ થયો છે. જેમાં મીઠાપુરની પડતર સરકારી જગ્યામાં અજાણ્યા શખ્સોએ ગેરકાયદેસર રીતે પ્રતિબંધિત દરિયાઈ રેતીનો મસમોટો જથ્થો એકત્ર કર્યો હોય જે ઝડપાયો છે. આ રેતીનો જથ્થો અંદાજે ૬૫૦ ટન જેટલો હોવાનું ખાણ ખનીજ વિભાગે જણાવ્યુ છે પરંતુ કોના દ્વારા જથ્થો એકત્ર કર્યો છે ? તે ખબર ન હોવાનું જણાવતા હોવાથી વિભાગની કાર્યવાહી સામે અનેક સવાલો ઉભા થયા છે. ત્યારે આ મામલે ઉચ્ચ અધિકારીઓ તટસ્થ તપાસ કરાવી રોયલ્ટીની ખનીજ ચોરી કરનાર શખ્સોને શોધી દાખલારૂપ કાર્યવાહી કરે તેવી લોકમાંથી માંગ ઉઠી છે.
આ અંગે માહિતી આપતા રોયલ્ટી ઇન્સ્પેક્ટર ઘનશ્યામ વાઘાણીએ જણાવેલ કે, વેરાવળના ઓજી વિસ્તાર ગણાતા એવા મીઠાપુર ગામની સીમ શાળાની પાછળ આવેલ સરકારી પડતર જમીનમાં છેલ્લા ઘણા દિવસોથી ટ્રેક્ટરો મારફત પ્રતિબંધિત દરીયાઈ રેતીનો મોટો જથ્થો એકત્ર કરાઈ રહ્યો હતો. જે અંગે જાગૃત નાગરીકએ વિભાગને આપેલ માહિતીના આધારે ખાણ ખનીજ વિભાગનો સ્ટાફ સ્થળ ઉપર તપાસ કરવા પહોંચ્યો હતો.
ત્યારે ત્યાં સરકારી જમીનમાં ગેરકાયદેસર રીતે પ્રતિબંધિત દરિયાઈ રેતીનો સ્ટોક કરાયો હોવાનું જાણવા મળેલ હતુ. આ જથ્થાની માપણી હાથ ધરતા ૬૫૦ ટન જેટલો છે. હાલ આ જથ્થાને સીઝ કરી આગળની કાર્યવાહી હાથ ધરવામાં આવી છે. આ જથ્થો કોણે અને શું કામ એકત્ર કર્યો તે જાણવા વધુ તપાસ હાથ ધરી છે.
આ જથ્થો શનિવારે સાંજે સીઝ કરાયા બાદ બે દિવસ વિતી ગયા પછી પણ કોના દ્વારા રેતીનો મોટો જથ્થો એકત્ર કરાયો તેની ખાણ ખનીજ વિભાગને ખબર ન હોવાનું જણાવી રહ્યુ છે. ત્યારે જવાબદાર વિભાગની કામગીરી શંકામાં આવવાની સાથે અનેક સવાલો સર્જી્ રહી છે. જેમ કે, પ્રતિબંધિત દરિયાઈ રેતીનો કાળો કારોબાર કેટલા સમયથી ચાલતો હતો ? કોણ આ ગેરકાયદેસર વેપલો ચલાવતો હતો ? સરકારી જગ્યામાં મસ મોટો જથ્થો સ્ટોક થયો છતાં તંત્ર અજાણ કેમ ? આવા અનેક સવાલો ઉઠ્યા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજામનગર: કાલાવડના નવા રણુજામાં અષાઢી બીજની ઉજવણી
July 08, 2024 11:05 AMજામનગર: ઠેબા ચોકડી પાસે બે કિલોમીટર લાંબો ટ્રાફિક જામ થયો
July 08, 2024 11:00 AM'એક પેડ માઁ કે નામ' ધારાસભ્ય દિવ્યેશ અકબરીએ પોતાના માતૃશ્રી સાથે વૃક્ષારોપણ કર્યું
July 08, 2024 10:42 AMઆ રાશિના જાતકો પર થશે લક્ષ્મીજીની કૃપા,થશે અઢળક ધન લાભ
July 08, 2024 10:09 AMઆ રાશિના જાતકો પર થશે લક્ષ્મીજીની કૃપા,થશે અઢળક ધન લાભ
July 08, 2024 09:54 AMCopyright © 2023-2024 Aajkaal Daily
Developed by Rhythm Infotech