બંને સ્થળેથી રોકડ અને ગંજીપત્તા મળી આવ્યા

જામનગરના બેડી રાશનપરા વિસ્તારમાં જાહેરમાં તિનપતીનો જુગાર રમતા ત્રણ શખ્સોને રોકડ સાથે દબોચી લીધા હતા, જયારે લાલપુરના ધરારનગર વિસ્તારમાં પાના ટીંચતા 3 ઇસમ પોલીસની ઝપટમાં આવ્યા હતા.

બેડીના રાશનપરા ચોકમાં તિનપતીનો જુગાર રમતા થરી વિસ્તારના મોહસીન કાસમ સુભણીયા, રાશનપરાના અકબર અનવર ભોકલ અને અકબર ઉર્ફે બટેટો ઓસમાણ નંગામણા નામના ત્રણ ઇસમોને રોકડા 1550 અને ગંજીપતા સાથે મરીન પોલીસે દબોચી લીધા હતા.

બીજા દરોડામાં લાલપુરના ધરારનગર હોટલની પાછળની શેરીમાં જાહેરમાં ગંજીપતા વડે જુગાર રમતા ધરારનગરમાં રહેતા કમલેશ પરબત ગમારા, પરેશ કરશન પરમાર અને યાસીન ઇબ્રાહીમ શાહમદાર નામના શખ્સોને રોકડા 2060 અને ગંજીફા સાથે ઝડપી લીધા હતા.