લોધિકા પોલીસે જુની મેંગણી ગામે જાહેરમાં જુગાર રમતા ત્રણ શખસોને ઝડપી લીધા હતાં.જયારે જેતપુર ઉધોગનગર પોલીસે દેરડીધાર આવાસ યોજના કવાર્ટરમાં ઘરમાં જુગાર રમતા ત્રણ શસખોને ઝડપી લીધા હતાં.
જુગારના આ દરોડાની જાણવા મળતી વિગતો મુબજ,લોધિકા પોલીસ મથકના સ્ટાફે અહીંના જુની મેંગણી ગામે જવાના કાચા રસ્તે સંજરી સુલ્તાની નામની ચીકન શોપ પાસે જાહેરમાં જુગાર રમતા ત્રણ શખસોને ઝડપી લીધા હતાં.જેમાં સાહીદમીયા ઇદ્રીસમીયા કાદરી,પિયુશ બાબુભાઇ સુનરા અને પ્રફુલ્લ ઉર્ફે પપ્પુ પરસોતમભાઇ મકવાણાનો સમાવેશ થાય છે.પોલીસે પટમાંથી રોકડ .૬,૨૦૦ કબજે કરી કાયદેસરની કાર્યવાહી કરી હતી.
જયારે જુગારના અન્ય દરોડામાં જેતપુર ઉધોગનગર પોલીસ દ્રારા દેરડીધાર આવાસ યોજના કવાર્ટરમાં રહેતા અરવિંદ મેણસીભાઇ મકવાણાના કવાર્ટર ન.ં ૮૮૪ માં દરોડો પાડી અહીં જુગાર રમતા અરવીંદ ઉપરાંત શકિત ધર્મેન્દ્રભાઇ જાદવ અને કાનજી ભીખુભાઇ રાઠોડને ઝડપી લઇ તેની પાસેથી રોકડ .૧,૮૧૦ કબજે કરી કાયદેસરની કાર્યવાહી કરી હતી.