આ અઠવાડિયે પાંચ મુખ્ય બોર્ડ IPO ખુલી રહ્યા છે. ત્રણ કંપનીઓના IPO SME સેગમેન્ટમાં છે. ગ્રે માર્કેટમાં આમાંથી કેટલાક IPOને લઈને નોંધપાત્ર ઉત્સાહ છે. 

૧-CMR ગ્રીન ટેક્નોલોજીસ IPO

આ કંપનીના IPOનું કદ રૂ.૬૩૦ કરોડ છે. કંપની ઓફર ફોર સેલ (OFS) દ્વારા ૩.૨૯ કરોડ શેર જારી કરશે. IPO ૩ જૂનથી ૫ જૂન સુધી ખુલ્લો રહેશે. કંપનીએ પ્રતિ શેર રૂ.૧૮૨ થી રૂ.૧૯૨ની પ્રાઇસ બેન્ડ નક્કી કરી છે. લોટ સાઈઝ ૭૮ શેર છે, જેમાં રોકાણકારોએ ઓછામાં ઓછું રૂ.૧૪,૯૭૬ રોકાણ કરવું જરૂરી છે.

ઈન્વેસ્ટર્સ ગેઈનના અહેવાલ મુજબ, કંપનીનો IPO આજે ગ્રે માર્કેટમાં રૂ.૩૪ના પ્રીમિયમ પર ટ્રેડ થઈ રહ્યો છે.

૨-હેક્સાગોન ન્યુટ્રિશન IPO

આ કંપનીના IPOનું કદ રૂ.૧૩૮.૮૭ કરોડ છે. કંપની IPO દ્વારા ૩૦.૯ મિલિયન શેર જારી કરશે. આ IPO ૫ જૂનથી ૯ જૂન સુધી ખુલ્લો રહેશે. આ IPO માટે પ્રાઇસ બેન્ડ પ્રતિ શેર રૂ.૪૨ થી રૂ.૪૫ નક્કી કરવામાં આવ્યો છે, જેમાં રોકાણકારોએ ઓછામાં ઓછું રૂ.૧૪,૯૮૫ રોકાણ કરવાનું રહેશે.

૩- મેરિટ્રોનિક્સ IPO

આ SME સેગમેન્ટ માટેનો IPO છે. કંપનીનો IPO કદ રૂ.૭૦.૦૩ કરોડ છે. IPO સંપૂર્ણપણે નવા શેર પર આધારિત છે. IPO માટે પ્રાઇસ બેન્ડ પ્રતિ શેર રૂ.૧૪૧ થી રૂ.૧૪૯ છે. કંપનીએ ૧,૦૦૦ શેરનો લોટ બનાવ્યો છે. રોકાણકારોએ એકસાથે ૨,૦૦૦ શેર પર ન્યૂનતમ બિડ મૂકવી પડશે.

આ IPO ગ્રે માર્કેટમાં ₹૮૮ ના પ્રીમિયમ પર ટ્રેડ થઈ રહ્યો છે.

૪- વાહ કેમિકલ્સ IPO

કંપનીનો IPO કદ રૂ.૧૩.૪૫ કરોડ છે. કંપની IPO દ્વારા ૨.૨ મિલિયન નવા શેર જારી કરશે. IPO ૪ જૂનથી ૮ જૂન સુધી ખુલ્લો રહેશે. IPO માટે પ્રાઇસ બેન્ડ પ્રતિ શેર રૂ.૬૦ નક્કી કરવામાં આવ્યો છે. કંપનીએ 2,000 શેરનો સિંગલ લોટ બનાવ્યો છે.

આ IPO ગ્રે માર્કેટમાં રૂ.15ના પ્રીમિયમ પર ટ્રેડ થઈ રહ્યો છે.

5- ગેન્સાઇ એનાલિટિક્સ IPO

આ કંપનીના IPOનું કદ રૂ.54.84 કરોડ છે. કંપની IPO દ્વારા 4.7 મિલિયન નવા શેર જારી કરશે. IPO 5 જૂનથી 9 જૂન સુધી ખુલ્લો રહેશે. કંપનીએ IPO માટે પ્રતિ શેર રૂ.110થી રૂ.116ની પ્રાઇસ બેન્ડ નક્કી કરી છે.