જૂન મહિનાની આકરી ગરમીથી બચવા માટે જો તમે વિકેન્ડ પર માત્ર ૨ દિવસની સસ્તી અને યાદગાર ટ્રિપનું આયોજન કરવા માંગતા હોવ, તો ભારતના ૫ એવા હિલ સ્ટેશનો છે જ્યાં ઓછા બજેટમાં પણ કુદરતી સૌંદર્ય અને ઠંડકનો આનંદ માણી શકાય છે.આ 5 સસ્તા અને શ્રેષ્ઠ પર્યટન સ્થળોની માહિતી આપતો રસપ્રદ અહેવાલ નીચે મુજબ છે:

૧. ઋષિકેશ, ઉત્તરાખંડ (સાહસ અને આધ્યાત્મનો સંગમ)
જો તમને એડવેન્ચર ગમતું હોય અને મિત્રો સાથે જવાનું આયોજન હોય તો ઋષિકેશ શ્રેષ્ઠ વિકલ્પ છે. જૂનની ગરમીમાં ઠંડીગાર ગંગા નદીમાં રિવર રાફ્ટિંગ કરવાનો રોમાંચ અનોખો હોય છે.શું જોવું: ત્રિવેણી ઘાટની સાંજની ગંગા આરતી અને નદી કિનારે આવેલા સુંદર કાફે.
બજેટ ટિપ:-અહીં ખૂબ જ ઓછા ખર્ચે આશ્રમો અથવા બેકપેકર હોસ્ટેલમાં રોકાણ મળી જાય છે.

૨.  લેન્સડાઉન, ઉત્તરાખંડ (શાંતિના ચાહકો માટે)
અન્ય હિલ સ્ટેશનોની જેમ અહીં બહુ ભીડભાડ જોવા મળતી નથી. જૂનની ગરમીને ભુલાવવા માટે અહીંના પાઈન અને ઓકના ઘના જંગલોની ઠંડી હવા પૂરતી છે.
શું જોવું:- ભુલ્લા લેક (Bhulla Lake) અને ટિપ-ઈન-ટોપ પોઈન્ટ (Tip-in-Top Point).
બજેટ ટિપ:- આ ટાઉનમાં ખૂબ જ સસ્તા હોમસ્ટે સરળતાથી ઉપલબ્ધ બને છે.

૩.  કસૌલી, હિમાચલ પ્રદેશ (હરિયાળીનો નજારો)
આ હિમાચલનું એક નાનકડું, સસ્તું અને અત્યંત સુંદર હિલ સ્ટેશન છે, જ્યાં બહુ ભાગદોડ કર્યા વિના પ્રકૃતિને માણી શકાય છે.
શું જોવું:- હેરિટેજ માર્કેટમાં વોક, ગિલ્બર્ટ ટ્રેલ (Gilbert Trail) પર ટ્રેકિંગ અને સનસેટ પોઈન્ટથી પર્વતો પાછળ આથમતા સૂરજનું દ્રશ્ય.

૪. નૈનીતાલ, ઉત્તરાખંડ (સદાબહાર પરફેક્ટ ચોઈસ)                                                                                                                                ઓછા સમય અને મર્યાદિત બજેટવાળા પ્રવાસીઓ માટે નૈનીતાલ હંમેશાથી પ્રથમ પસંદગી રહ્યું છે. જૂન મહિનામાં અહીંનું તાપમાન ખૂબ જ સુહાવનું હોય છે.
શું કરવું:- નૈની તળાવમાં બોટિંગ, કેબલ કારની સવારી, અને મોલ રોડ પર સસ્તી શોપિંગ અને સ્ટ્રીટ ફૂડની મજા.
બજેટ ટિપ:- હોટેલ અને બસ ટિકિટનું એડવાન્સ બુકિંગ કરાવવું જેથી સારા દર મળી શકે.

૫. મેકલોડગંજ, હિમાચલ પ્રદેશ (તિબેટીયન સંસ્કૃતિની ઝલક)                                                                                                                  જો તમે ઓવરનાઈટ બસની મુસાફરી કરીને સવારે સીધા પહાડોની વચ્ચે ઉઠવાની ઈચ્છા રાખતા હોવ તો મેકલોડગંજ ઉત્તમ ઓપ્શન છે.
શું જોવું:- ભાગસુ વોટરફોલ, પ્રખ્યાત દલાઈ લામા ટેમ્પલ અને પર્વતો વચ્ચે બનેલા નાના સુંદર કાફે.
ખાસિયત:- અહીંના ટેસ્ટી મોમોર્સ અને તિબેટીયન કલ્ચર યુવાનોમાં ખૂબ લોકપ્રિય છે, વળી રોકાવા માટે સસ્તા હોમસ્ટે મળી રહે છે.