રાજકોટ શહેર-જિલ્લાના ચાર સહિત રાજયના ૪૯ બીન હથિયાર ધારી પીએસઆઇને પીઆઇ તરીકે બઢતીના ઓર્ડર નિકળ્યા છે.રાજકોટમાં પીસીબીમાં ફરજ બજાવતા પીએસઆઇ એમ.જે.હુણ અને પ્ર.નગરના બી.વી.બોરીસાગરને બઢતીનો લાભ મળ્યો છે.

રાજ્ય પોલીસ બેડામાં બઢતી અને બદલીનો દોર ચાલી રહ્યો છે. ત્યારે રાજ્ય સરકાર દ્વારા વધુ એક બઢતીનું લિસ્ટ જાહેર કરવામાં આવ્યું છે.જેમાં ૪૯ બીન હથિયારી ધારી પીએસઆઇને પીઆઇ તરીકે બઢતી આપવામાં આવી છે. જેમાં રાજકોટ શહેર પોલીસની પીસીબી શાખામાં ફરજ બજાવતા પીએસઆઇ એમ જે હુણ અને પ્ર.નગર પોલીસ મથકના પીએસઆઇ બી.વી. બોરીસાગરને પીઆઈનું પ્રમોશન આપવામાં આવ્યું છે. રાજકોટ ગ્રામ્યના આર.એસ સાકળીયા અને કે.એસ. ગરચરને પણ પીઆઇ તરીકે બઢતી આપવામાં આવી છે. આ ઉપરાંત સૌરાષ્ટ્રના કુલ 12 પીએસઆઇ જેમાં ભાવનગરના વી.કે.મકવાણા, જામનગરના એ.કે. પટેલ, ગાંધીધામના આર.સી.રામાનુજ, દ્વારકાના ડી.એન. વાંઝા, ભાવનગરના બી.બી. સોલંકી અને જી.ડી. બારોટ, જૂનાગઢના એમ.એન. કાતરીયા, ગાંધીધામના બી.જી. ડાંગર, બી.પી. આહીર અને એ.વી. પટેલને બઢતી આપવામાં આવી છે.

રાજકોટના 15 હેડ કોન્સ્ટેબલની એએસઆઈના પ્રમોશન

રાજકોટ શહેર પોલીસમાં ફરજ બજાવતા 15 હેડ કોસ્ટેબલને એએસઆઈ તરીકે પ્રમોશન આપવામાં આવ્યા છે. જેમાં આજીડેમ પોલીસ મથકના ભુપતભાઇ વાસાણી, યુનિવર્સિટી પોલીસના મુકેશભાઈ ચરમટા અને વીરેન્દ્રસિંહ ઝાલા, આજી ડેમના લાખાભાઈ કળોતરા, કુવાડવા પોલીસ મથકના હિમરાજસિંહ પરમાર, ડીસીબી પોલીસના સંજયભાઈ દાફડા અને મયુરભાઈ મિયાત્રા, ટ્રાફિક શાખાના અભિજીતસિંહ જાડેજા, એલસીબી ઝોન ટુ ના રાજેશકુમાર મિયાત્રા, પેરોલ ફર્લો સ્કવોડના ધર્મેન્દ્રસિંહ ઝાલા, માલવિયા નગર પોલીસ મથકના શૈલેષભાઈ ખીહડીયા, થોરાળા પોલીસના ધીરજભાઈ પરમાર, ટ્રાફિક શાખાના ધર્મેન્દ્રસિંહ જાડેજા, યુનિવર્સિટી પોલીસ મથકના મનોજ મકવાણા, ટ્રાફિક શાખાના રવિકુમાર વાઘેલાને એએસઆઈ તરીકે બઢતી આપવામાં આવી છે.