મુંબઈના ઘાટકોપર વિસ્તારમાં અનેક જગ્યાએ 40 ફ્લેમિંગો મૃત હાલતમાં મળી આવ્યા છે. આ તમામ ફ્લેમિંગો મુંબઈમાં અમીરાતના વિમાનની ટક્કરથી મૃત્યુ પામ્યા હતા. મૃત પક્ષીઓના અવશેષોને પોસ્ટમોર્ટમ માટે મોકલવામાં આવ્યા છે. ઘટના બાદ પ્લેન સુરક્ષિત રીતે લેન્ડ થયું હતું. BMCએ આ જાણકારી આપી છે.

ઘાટકોપરમાં કેટલાક સ્થળોએ કેટલાય મૃત પક્ષીઓ મળી આવ્યા હોવાની માહિતી વન્યજીવન વોર્ડનને ફોન પર મળી હતી. આ પછી, જ્યારે અધિકારીઓની ટીમ ત્યાં પહોંચી, ત્યારે તેઓએ જોયું કે આ વિસ્તાર પક્ષીઓના મૃતદેહોથી ભરેલો છે અને પીંછાના તૂટેલા ટુકડા, પંજા અને ચાંચ ચારે બાજુ વેરવિખેર છે. તેમણે કહ્યું કે મૃત્યુનું સાચું કારણ જાણવા માટે મૃતદેહોને પોસ્ટમોર્ટમ માટે મોકલી દેવામાં આવ્યા છે.