સરકાર દ્વારા ચાઇનીઝ દોરીના વેચાણ પર પ્રતિબંધ છે ત્યારે ચાઇનીઝ દોરીવાળી જુદી જુદી 11 ફીરકીઓ જપ્ત કરાઇ

સરકાર દ્વારા ચાઇનીઝ દોરીના વેચાણ પર પ્રતિબંધ હોવા છતાં ધ્રોલમાં એક વેપારી દ્વારા ચાઇનીઝ ફીરકીનું વેચાણ કરતા પોલીસે વેપારીની ધરપકડ કરી 11 ફીરકીઓ જપ્ત કરી હતી.
ઉતરાયણ પર્વ પહેલા રાજય સરકાર દ્વારા ચાઇનીઝ દોરીના વેંચાણ પણ પ્રતિબંધ ફરમાવતો જાહેરનામું બહાર પાડયું હોય અને તેનો ચુસ્તપણે અમલ કરાવવા માટે જામનગર જિલ્લાના ધ્રોલ પોલીસ ખાસ ચોકસાઇ રાખતી હોય ત્યારે ધ્રોલના ગા:ધીચોકમાં ચાઇનીઝ દોરીનું વેંચાણ થતું હોવાની બાતમીના આધારે પોલીસે ગાંધીચોક ખાતે આવેલ રામ શોપીંગ સેન્ટરમાં આવેલ સમય જનરલ સ્ટોર નામની દુકાનમાં તલાસી લેતા આ દુકાનમાંથી ચાઇનીઝ બનાવટની પતંગની દોર મળી આવતા આ દોરીનું ગેરકાયદે વેંચાણ કરતા સમય જનરલ સ્ટોર્સના ધર્મેશભાઇ કાનજીભાઇ દલસાણીયા (રહે. ગજાનન સોસાયટી ધ્રોલ) ની અટકાયત કરી છે. આ ઉપરાંત તેની દુકાન ઉપરના વખારમાંથી 11 જુદા જુદા કલરાઇનીઝ દોરીવાળી ફીરકીઓ પણ મળી આવી હતી જેને પોલીસે જપ્ત કરી ધોરણસરની કાર્યવાહી કરી છે.