યુનિયન પબ્લિક સર્વિસ કમિશન (UPSC) દ્વારા સિવિલ સર્વિસ પરીક્ષા ૨૦૨૫નું અંતિમ પરિણામ જાહેર કરી દેવામાં આવ્યું છે. આ વર્ષે કુલ ૯૫૮ ઉમેદવારો વહીવટી સેવાની વિવિધ પાંખો માટે ક્વોલિફાય થયા છે. આ રાષ્ટ્રીય યાદીમાં ગુજરાતનું ગૌરવ વધારતા સમાચાર એ છે કે અમદાવાદ સ્થિત SPIPAના ૩૪ ઉમેદવારોએ આ વર્ષે બાજી મારી છે.

નિસાર દિશાંત: ગુજરાતનો નવો ‘રોલ મોડેલ’
આ વર્ષના પરિણામમાં સૌથી આકર્ષક પાસું નિસાર દિશાંત અમૃતલાલની સફળતા છે. તેમણે ઓલ ઈન્ડિયા રેન્ક (AIR) ૧૯મો પ્રાપ્ત કર્યો છે. ટોપ ૨૦માં સ્થાન મેળવવું એ કોઈપણ ઉમેદવાર માટે સ્વપ્ન સમાન હોય છે, અને નિસારે આ સિદ્ધિ મેળવીને સાબિત કર્યું છે કે ગુજરાતી યુવાનો હવે ટોપ બ્યુરોક્રસીમાં અગ્રેસર છે.

SPIPAની સફળતાનો ગ્રાફ: ગત વર્ષ કરતા બહેતર દેખાવ
અમદાવાદની SPIPA સંસ્થા ફરી એકવાર સફળતાનું પાવરહાઉસ સાબિત થઈ છે. સંસ્થાના કુલ ૮૨ ઉમેદવારો ઇન્ટરવ્યુ સુધી પહોંચ્યા હતા, જેમાંથી ૩૪ ઉમેદવારો અંતિમ યાદીમાં સ્થાન પામ્યા છે.

મુખ્યમંત્રી ભૂપેન્દ્ર પટેલે UPSC વિજેતાઓને ગણાવ્યા રાજ્યનું ગૌરવ

સફળતા પાછળનું ગણિત અને મહેનત
આ વર્ષે ક્વોલિફાય થનાર ઉમેદવારોની સંખ્યામાં નોંધપાત્ર વધારો જોવા મળ્યો છે. નિષ્ણાતોના મતે, ગુજરાત સરકાર દ્વારા આપવામાં આવતી ટ્રેનિંગ અને યુવાનોમાં વધતી જતી જાગૃતિ આ પરિણામો પાછળનું મુખ્ય કારણ છે. SPIPAના માધ્યમથી જે રીતે મોક ઇન્ટરવ્યુ અને રિસોર્સિસ પૂરા પાડવામાં આવે છે, તેના કારણે ગુજરાતી વિદ્યાર્થીઓ હવે નેશનલ લેવલ પર કમ્પીટ કરી રહ્યા છે.