જેતપુરમાં વહેલી સવારે સાડીના કારખાનામાં ભીષણ આગ લાગતા સ્ટાફમાં નાસભાગ મચી ગઈ હતી. નવાગઢ નેશનલ હાઈવે કાંઠે આવેલ અંબિકા ઇન્ડ. નામના કારખાનામાં આગ લાગી હતી. ભીષણ આગ લાગતા દૂર દૂર સુધી ધુમાડાના ગોટે ગોટે દેખાયા હતા. સાડીના યુનિટ અને મશીનમાં આગ લાગી હતી. અગમ્ય કારણોસર આગ લાગી હોવાનું જાણવા મળ્યું છે.

આગને લઈને જેતપુર પાલિકાના 3 ફાયર ફાઇટરો ઘટનાસ્થળે દોડી ગયા હતા અને આગ ઉપર કાબૂ મેળવવાના પ્રયાસો હાથ ધરવામાં આવ્યા છે. આગ લાગતા રો-મટિરિયલ સહિતનો સામાન ખાક થઈ ગયો છે. અંદાજે કરોડોની નુકશાનની આશંકા છે. આગને કાબૂમાં લેવા માટે ધોરાજીથી ફાયર ફાઇટર પણ ઘટનાસ્થળે પહોંચી ગયું છે અને આગ પર પાણીનો મારો ચલાવવામાં આવી રહ્યો છે.