ગીર સોમનાથ જિલ્લામાં ફરજ દરમિયાન મીઠી ઊંઘ માણતા 23 હોમગાર્ડ ઝડપાયા હતા. આથી ગીર સોમનાથ હોમગાર્ડ કમાન્ડન્ટ વિજયભાઈ ઠાકરેએ તમામને સસ્પેન્ડ કર્યા છે. હોમગાર્ડ જવાનો જ્યાં રાત્રી ફરજ બજાવે છે તે જિલ્લાભરના પોઇન્ટનું સરપ્રાઈઝ ચેકિંગ કરવામાં આવ્યું હતું. હોમગાર્ડ જવાનો રાત્રિ ફરજ પોઈન્ટ ઉપર ફરજ બજાવવાના બદલે મીઠી ઊંઘ માણતા હતા. જેમાં તાલાલાના 5, સુત્રાપાડાના 5, પ્રભાસ પાટણના 4 અને વેરાવળના 9 હોમગાર્ડ જવાનને સસ્પેન્ડ કરવામાં આવ્યા છે. જ્યારે તમામ યુનિટ કમાન્ડિંગને પણ સજા ફરમાવવામાં આવી છે. તેઓને પાંચ દિવસ માનદ સેવા આપવાની સજા આપવામાં આવી છે. 

તાલાલા, વેરાવળ, સુત્રાપાડા, પ્રભાસ પાટણ, ઉના, કોડીનાર તાલુકામાં 6 હોમગાર્ડ યુનિટ કાર્યરત છે. જેમાં 300 હોમગાર્ડ જવાનો પોલીસને સાથે કાયદો અને વ્યવસ્થા માટે દિવસ-રાત ફરજ બજાવે છે. હોમગાર્ડ જવાનો યોગ્ય રીતે ફરજ બજાવે છે કે નહીં તેની જાત તપાસ માટે જિલ્લા હોમગાર્ડ કમાન્ડન્ટ વિજય ઠાકરે હોમગાર્ડ જવાનો જ્યાં રાત્રિ ફરજ બજાવે છે તે તમામ પોઈન્ટ પર સરપ્રાઈઝ ચેકિંગ કર્યું હતું. જેમાં આ 23 હોમગાર્ડ ફરજને બદલે ઊંઘતા ઝડપાયા હતા. આથી આ તમામને ફર પરથી મોકૂફ કરવામાં આવ્યા છે.