શહેરના સોની બજાર પાસેના વિસ્તારમાંથી 16 વર્ષની સગીરા ઘરેથી મેગી લેવા જવા માટે કહું છું કંઈ નીકળ્યા બાદ લાપતા બની હતી. જે અંગે સગીરાના પિતાએ એ ડિવિઝન પોલીસ સ્ટેશનને જાણ કરતા પોલીસે અપહરણનો ગુનો નોંધી સગીરાના સગડ મેળવવા તપાસ હાથ ધરી છે.

જાણવા મળતી વિગતો મુજબ, શહેરના સોની બજાર પાસેના વિસ્તારમાં રહેતા યુવાને એ ડિવિઝન પોલીસ સ્ટેશનમાં નોંધાવેલી ફરિયાદમાં જણાવ્યું હતું કે, ગઈકાલે સાંજે 7:30 વાગ્યા આસપાસ તેમના પત્નીની તબિયત સારી ન હોય જેથી પંદરેક દિવસથી રેલનગર વિસ્તારમાં રહેતા સાસુના ઘરે ગઈ હતી. જેથી યુવાન અહીં પત્નીની ખબર પૂછવા માટે ગયો હતો. 

દરમિયાન તેમને તેના મોટા બહેનનો ફોન આવ્યો હતો અને કહ્યું હતું કે અડધી કલાક પૂર્વે 16 વર્ષની ભત્રીજી 20 રૂપિયા લઇ મેગી લેવા માટે જઉં છું તેમ કહી નીકળ્યા બાદ હજુ ઘરે પરત ફરી નથી. બાદમાં યુવાને અહીં ઘરે આવી દીકરીની શોધખોળ કરી હતી પરંતુ તેનો કોઈ પતો લાગ્યો ન હતો. સગા સંબંધીઓમાં તપાસ કર્યા બાદ અંતે આ બાબતે પોલીસને જાણ કરી હતી. પોલીસે અપહરણનો ગુનો નોંધી સગીરાના સગડ મેળવવા તપાસ હાથ ધરી છે.