જુગારના આ દરોડાની જાણવા મળતી વિગતો મુજબ, વીંછિયા પોલીસ મથકનો સ્ટાફ પેટ્રોલિંગમાં હતો દરમિયાન મળેલી બાતમીના આધારે વાંગધ્રા ગામ પાસે સરમાળીયાની સીમમાં આવેલી કાળુભાઈ ઓઢવભાઈ ખાચરની વાડીના છેડે ખરાબાની જમીનમાં જુગાર રમી રહેલા ૧૨ શખસોને ઝડપી લીધા હતાં. જેમાં હંસરાજ મેરામભાઇ વેગડ, જયરાજ બાબુભાઈ સોનારા, કાળુ ઓઢવભાઈ ખાચર, સંજય રણુભાઈ ભાંભળા, અનિરુદ્ધ દડુભાઈ ભાંભળા, પ્રકાશ મોહનભાઈ શેખલીયા, મનસારામ પુરુષોત્તમભાઈ દેસાણી, ગજેન્દ્ર મયુરભાઈ ડેરવાળિયા, સિદ્ધારાભા ભરતભા ખાચર, કુલદીપ કાળુભાઈ ધાંધલ, પ્રભુ વિઠ્ઠલભાઈ બાવળીયા અને સંજય નાગરભાઈ ડેરવાળિયાનો સમાવેશ થાય છે. પોલીસે પટમાંથી રોકડ રૂપિયા 52,560 કબજે કર્યા હતા.

જુગારના અન્ય દરોડામાં જસદણ પોલીસ મથકના સ્ટાફે લીલાપુર ગામની સીમમાં જાહેરમાં જુગાર રમતા રાયમલ હમીરભાઇ વાઘેલા, નરેશ સોમાભાઈ ચાવડા અને રામજી નાનજીભાઈ કાકડીયાને ઝડપી લીધા હતા. જ્યારે દરોડા દરમિયાન પ્રકાશ બાબુભાઈ રામાણી નાસી ગયો હતો. પોલીસે પટમાંથી રોકડ રૂપિયા 10,200 કબજે કરી જરૂરી કાર્યવાહી કરી હતી.