સુરતમાં એક ચોંકાવનારી ઘટના સામે આવી છે. 13 વર્ષના ભાઈએ તેની એક વર્ષની બહેનની હત્યા કરી નાંખી છે. સતત રડી રહેલી બહેનનું 13 વર્ષના ભાઈએ ઓશિકાથી મોઢું દબાવી દીધું હતું. મોઢું દબાવવા છતાં બહેન રડતાં ગળું દબાવી હત્યા કરી નાંખી હતી. ત્યારબાદ પોસ્ટમોર્ટમ રિપોર્ટમાં મોટો ઘટસ્ફોટ થયો છે, જેમાં ગૂંગળામણથી મોત થયાનું સામે આવ્યું છે. પરિવારે પૂછપરછ કરતા ભાઈએ જ હત્યા કર્યાનો ખુલાસો થતાં ખળભળાટ મચી જવા પામ્યો છે.

પ્રાપ્ત વિગત મુજબ, સુરતના નાનપુરા વિસ્તારમાં એક 13 વર્ષના ભાઈએ પોતાની 1 વર્ષની બહેનની હત્યા કરી નાખી છે. હત્યાનું કારણ એ જ હતું કે, બહેન સતત રડી રહી હતી. 13 વર્ષના ભાઈ પાસે તેની બહેન હતી અને બહેન સતત રડી રહી હતી. ત્યારે બહેનના રડવાથી કંટાળેલા ભાઈ પહેલા પોતાની જ બહેનનું ઓશિકાથી મોઢું દબાવ્યું, છતાં બહેન રડી રહી હતી. ત્યારે છેલ્લે 13 વર્ષના ભાઈએ બહેનનું ગળું દબાવી દઈ મોતને ઘાટ ઉતારી દીધી હતી. 

પોસ્ટમોર્ટમમાં ગુંગળામણથી મોત થયાનું સામે આવ્યું
તબીબોએ બાળકીના મૃતદેહનું પોસ્ટમોર્ટમ કર્યું ત્યારે સામે આવ્યું કે, ગુંગળામણથી મોત છે. પરિવારે 13 વર્ષના ભાઈને પૂછપરછ કરી તો ભાઈએ આ મોટો ખુલાસો કર્યો કે, બહેન સતત રડતી હોવાથી તેણે ગળું દબાવીને પોતાની જ 1 વર્ષની બહેનને મોતના ઘાટ ઉતારી દીધી છે. 

ચોંકવનારો ખુલાસો થતાં પોલીસના પગ તળેથી જમીન સરકી
બીજી બાજુ મોતને ભેટેલી બાળકીનું તબીબે ગૂંગળામણના કારણે મોત થયું હોવાનો રિપોર્ટ આપતા પોલીસ પણ ચોંકી ગઈ હતી. ઘટના અંગે પોલીસે ભોગ બનનાર પરિવારની પૂછપરછ કરતા ચોંકવનારો ખુલાસો થતાં પોલીસના પગ તળેથી જમીન સરકી ગઈ હતી. 

હત્યારો એક વર્ષ પહેલા મુંબઈથી સુરત માસીના ઘરે આવ્યો હતો
મહત્વનું છે કે, અઠવાલાઇન્સ પોલીસે ગંભીર ગુનાને લઈ સાપરાધ મનુષ્ય વધનો ગુનો દાખલ કરી કિશોરની અટક કરી હતી. હત્યારો એક વર્ષ પહેલા મુંબઈથી સુરત માસીના ઘરે આવ્યો હતો. તે ઘરે એકલો હોય આખો પરિવાર હોસ્પિટલમાં કામ કરવા જતો, ત્યારે દીકરીને સોંપીને જતો હતો. એક વર્ષીય દીકરી રડતી હોવાથી માસિયાઈ ભાઈ કંટાળી ગયો હતો.