મુંબઈમાં આજે રાત્રે, 26 મે, 2025 ના રોજ, સમુદ્રમાં 4.1 મીટર એટલે કે લગભગ 13 ફૂટ ઊંચા મોજાં ઉછળવાની સંભાવના છે. હવામાન વિભાગ દ્વારા આ અંગે હાઈ ટાઈડનું એલર્ટ જાહેર કરવામાં આવ્યું છે, જે મુંબઈવાસીઓ માટે ચિંતાનો વિષય બન્યો છે.

​​​​​​​આજે રાત્રે 11 વાગ્યે આવનારી આ હાઈ ટાઈડ દરમિયાન જો ભારે વરસાદ પડે, તો મુંબઈના નીચાણવાળા વિસ્તારોમાં પાણી ભરાઈ જવાની શક્યતા છે. આ પરિસ્થિતિ મંગળવારે સવારે લોકોને ભારે મુશ્કેલીમાં મૂકી શકે છે, કારણ કે પાણી ભરાવાને કારણે પરિવહન અને દૈનિક પ્રવૃત્તિઓ પર અસર પડી શકે છે.

મુંબઈ મહાનગરપાલિકા અને ડિઝાસ્ટર મેનેજમેન્ટની ટીમોને એલર્ટ પર રાખવામાં આવી છે અને લોકોને સાવચેત રહેવા તથા દરિયાકિનારાથી દૂર રહેવા સૂચના આપવામાં આવી છે. ભારે વરસાદની સ્થિતિમાં મુશ્કેલીઓ ટાળવા માટે જરૂરી પગલાં લેવાની પણ અપીલ કરવામાં આવી છે.