પૂર્વ વડાપ્રધાન શેખ હસીનાના રાજીનામા બાદ બાંગ્લાદેશની જેલોમાંથી ૧,૨૦૦થી વધુ કેદીઓ ભાગી ગયા છે. આ ફરાર કેદીઓમાં ઘણા આતંકવાદીઓ પણ સામેલ છે. સરહદને અડીને આવેલા ભારત માટે આ એક નવી સમસ્યા છે. બોર્ડર સિકયોરિટી ફોર્સ (બીએસએફ ) એ કહ્યું છે કે આ કેદીઓ હથિયારો સાથે ભારતમાં ઘૂસવાનો પ્રયાસ કરી શકે છે. મળતી માહિતી મુજબ, બીએસએફએ દેશની સુરક્ષા એજન્સીઓને આ અંગે જાણ કરી છે. દેશમાં કાયદો અને વ્યવસ્થા જાળવવા માટે બોર્ડર ગાર્ડ બાંગ્લાદેશ (બીજીબી)ના ઘણા અધિકારીઓને તૈનાત કરવામાં આવ્યા છે.
બીએસએફના વરિ અધિકારીઓએ કહ્યું છે કે વધતા સુરક્ષા જોખમોને ધ્યાનમાં રાખીને, બંને દેશોના સરહદી દળો વિવિધ સ્તરે વાત કરી રહ્યા છે જેથી ઘૂસણખોરોને ભારતમાં પ્રવેશતા અટકાવવા માટે વાસ્તવિક માહિતી શેર કરી શકાય.
અધિકારીઓને કહેવામાં આવ્યું છે કે તેઓ ૪૦૯૬ કિલોમીટર લાંબી સરહદ તરફ ફરતા કોઈપણ ફરાર ગુનેગાર વિશે તેમના બીએસએફને તાત્કાલિક ચેતવણી આપે. બીજીબીએ પાંચ જેલો – નરસિંઘી, શેરપુર, સતખીરા, કુશ્ટિયા અને કાશિમપુરમાંથી કેદીઓના ભાગી જવાની માહિતી આપી હતી. બીએસએફ અધિકારીએ જણાવ્યું હતું કે અત્યારે સરકારનો સંદેશ સ્પષ્ટ્ર છે કે કોઈ પણ વ્યકિતને પ્રવેશવા દેવો જોઈએ નહીં. તેઓ જે પણ કહે છે તેનાથી કોઈ ફરક પડતો નથી. બીજીબી અધિકારીઓએ બીએસએફને એવી પણ માહિતી આપી છે કે નરસિંગી જેલમાંથી ભાગી ગયેલા ૪૦૦ કેદીઓએ આત્મસમર્પણ કયુ છે. જોકે, જમાત–એ–ઈસ્લામી અને હેફાઝત–એ–ઈસ્લામ સહિત અનેક જૂથોના કેદીઓ હજુ પણ ગુમ છે.
નોંધનીય છે કે ઘણી જગ્યાએ ભારત–બાંગ્લાદેશ સરહદ સંપૂર્ણપણે સીલ નથી. આ વિસ્તારોમાંથી ઢોર, સોનું, દવાઓ અને માછલીના ઈંડાની દાણચોરી થાય છે. બાંગ્લાદેશમાં છેલ્લા ઘણા અઠવાડિયાથી હિંસક વિરોધ પ્રદર્શન ચાલી રહ્યા છે જેમાં ૩૦૦થી વધુ લોકો માર્યા ગયા છે. હસીનાના રાજીનામાથી વિરોધ કેટલાક અંશે શાંત થયો છે, પરંતુ હસીનાના સમર્થકો અને વફાદારો હજુ પણ હુમલાઓ કરી રહ્યા છે. ત્યાં હાજર લઘુમતીઓને પણ નિશાન બનાવવામાં આવી રહ્યા છે. જેના કારણે ઘણા લોકો સરહદી દેશો તરફ ભાગી રહ્યા છે.

બંગાળ સરહદ પર ૧,૦૦૦ બાંગ્લાદેશી એકઠા થતાં તણાવ પશ્ચિમ બંગાળમાં કૂચ બિહાર બોર્ડર પર બીએસએફ દ્રારા બાંગ્લાદેશી નાગરિકોના એક મોટા જૂથને ભારતમાં પ્રવેશતા અટકાવવામાં આવ્યા હતા.બોર્ડર સિકયુરિટી ફોર્સના ગુવાહાટી ફ્રન્ટિયરે પશ્ચિમ બંગાળના કૂચ બિહાર જિલ્લામાં બાંગ્લાદેશ સરહદેથી ભારતમાં પ્રવેશવાના મોટા પાયે પ્રયાસને નિષ્ફળ બનાવ્યો હતો.લગભગ ૧,૦૦૦ લોકો, કથિત રીતે બાંગ્લાદેશી નાગરિકો, મોટાભાગે હિંદુઓ, ભારતમાં આશ્રય મેળવવા માટે સરહદ પર પહોંચ્યા હતા. બીએસએફ એ ઝડપથી બોર્ડર ગાડર્સ બાંગ્લાદેશ સાથે સંકલન કરીને આ લોકોને પાછા લઈ જવાની ખાતરી કરી હતી. આ જૂથ બાંગ્લાદેશના લાલમોનિરહાટ જિલ્લામાં એક જળાશય પાસે વાડથી લગભગ ૪૦૦ મીટર દૂર એકત્ર થયું હતું