જામનગર શહેર અને ધ્રોળમાં પોલીસે જુગાર અંગે બે સ્થળે દરોડા પાડ્યા છે, અને ૧૨ પત્તાપ્રેમીઓની અટકાયત કરી લઇ તેઓ પાસેથી રોકડ રકમ અને જુગારનું સાહિત્ય કબજે કર્યું છે.
જુગાર અંગેનો પ્રથમ દરોડો જામનગરના ગોકુલ નગર નજીક પાણાંખાણ શેરી નંબર -૪ માં પાડવામાં આવ્યો હતો. ત્યાંથી જાહેરમાં ગંજી પાના વડે જુગાર રમી રહેલા મુકેશ કરમશીભાઈ સોલંકી, મેહુલ નરેશભાઈ સવનિયા, અરવિંદ કરણભાઈ ચાવડા, રાકેશ રમેશભાઈ લીલાપરા, રાજુભાઈ કરણભાઈ ચાવડા, અને સંજય અશોકભાઈ વાઘોણાની અટકાયત કરી લઈ તેઓ પાસેથી રૂપિયા ૧૧,૫૫૦ ની રોકડ રકમ અને જુગારનું સાહિત્ય કબજે કર્યું છે.
જુગાર અંગે નો બીજો દરોડો ધ્રોળ તાલુકાના ધરમપુર ગામની સીમમાં પાડવામાં આવ્યો હતો. ત્યાંથી જાહેરમાં ગંજી પાના વડે જુગાર રમી રહેલા ભીખાભાઈ શામજીભાઈ વાઘેલા, જીતેન્દ્ર મનસુખલાલ જોતાપર, ભાવેશ પુનાભાઈ અગેસાણીયા, સંજય બાબુભાઈ તરાવિયા, દિલીપ નાનકુભાઈ સંગાડા, અને કિશોર જેસીંગભાઇ બારોટ વગેરેની અટકાયત કરી લઇ તેઓ પાસેથી રૂપિયા ૧૭,૩૧૦ ની રોકડ રકમ અને જુગારનું સાહિત્ય કબજે કર્યું છે.