ગુજરાતમાં સ્થાનિક સ્વરાયની ચૂંટણીને લઈ પોલીસ દ્રારા ચેકિંગ કરવામાં આવી રહ્યું છે. ત્યારે દાહોદ જિલ્લા પોલીસે આંતરરાય બોર્ડર પર વાહન ચેકિંગ દરમિયાન કુરિયર કંપનીની ગાડીના ચોરખામાં સંતાડેલી ૭૫ લાખની ૧૦૮ કિલો ચાંદી અને ૧.૩૮ કરોડ રોકડ રકમ ઝડપી પાડી છે. સાથે ત્રણ શખસની ધરપકડ કરવામાં આવી છે. આ રોકડ અને ચાંદીનો જથ્થો રાજકોટ લાવવામાં આવી રહ્યો હતો તેવું પ્રાથમિક તપાસમાં સામે આવ્યું છે. સ્થાનિક સ્વરાયની ચૂંટણી હોવાથી મધ્યપ્રદેશ અને રાજસ્થાનને જોડતી બોર્ડર ઉપર પોલીસ દ્રારા સઘન ચેકિંગ કરવામાં આવી રહ્યું છે. ગઈકાલે મધ્યપ્રદેશ–ગુજરાતને જોડતી ખંગેલા ચેકપોસ્ટ ઉપર પોલીસે વાહન ચેકિંગ કયુ હતું. ત્યારે ઓજસ સ્પીડ કુરિયર કંપનીની બોલેરો કેમ્પર ગાડીને રોકી હતી. જેમાં તપાસ કરતા બોલેરો ગાડીમાં ડ્રાઈવરની સીટ નીચે ચોરખાનામાં ચાંદી તેમજ રોકડ રકમ સંતાડેલી હતી. પોલીસે ગાડીના ડ્રાઈવર વિરેન્દ્રકુમાર રામલાલ શર્મા, મનીષકુમાર રામેશ્વર પ્રસાદ ગુા અને રાજુ શ્રીકાલિકા પ્રસાદ પટેલની ધરપકડ કરી હતી. આ ત્રણેયના પકડી મુદ્દામાલ સાથે પોલીસ સ્ટેશન લઈ જવામાં આવ્યા હતા અને ગુનો દાખલ કર્યેા હતો. ચૂંટણી દરમિયાન મતદારોને રીઝવવા રોકડ રકમનો ઉપયોગ થવાની શંકા જતા પોલીસે તે દિશામાં તપાસ હાથ ધરી છે.