વીંછિયા તાલુકાના મોટી લાખાવાડ ગામની સીમમાં ખરાબાની જગ્યાએ જુગારની મહેફિલ માંડી બેઠેલા શખસો પર પોલીસે દરોડો પાડયો હતો.પોલીસે અહીં જુુગાર રમતા ૧૦ શખસોને ઝડપી લીધા હતાં.પોલીસે પટ્ટમાંથી રોકડ રૂ.૧૦,૧૦૦ અને મોબાઇલ તથા બાઇક સહિત કુલ રૂ.૨૫,૧૦૦ નો મુદામાલ કબજે કરી કાયદેસરની કાર્યવાહી કરી હતી.

જુગારના આ દરોડાની જાણવા મળતી વિગતો મુજબ,વીંછિયા પોલીસ મથકનો સ્ટાફ પેટ્રોલીંગમાં હતો દરમિયાન એવી બાતમી મળી હતી કે અહીંના મોટી લાખાવાડ ગામની સીમમાં સુખનાથ મહાદેવના ઢોરા પાસે ખરાબાની જગ્યામાં કેટલાક શખસો જુગાર રમી રહ્યા છે.આ બાતમીના આધારે પોલીસે અહીં દરોડો પાડી જુગાર રમતા ૧૦ શખસોને ઝડપી લીધા હતાં.
​​​​​​​
જુગાર રમતા ઝડપાયેલા શખસોમાં ભરત મેરાભાઇ વાલાણી,નિલેષ દેવજીભાઇ વાલાણી,હરેશ કાળુભાઇ વાલાણી,શૈલેષ લાખાભાઇ વાલાણી,ભુરા સાદુળભાઇ સાંબડ,કલા કાનાભાઇ જાદવ,વિનુ પીઠાભાઇ પરમાર,જયરાજ મેરાભાઇ રાઠોડ અને પ્રવિણ સોમાભાઇ વાલાણીનો સમાવેશ થાય છે.
પોલીસે દરોડા દરમિયાન પટ્ટમાંથી રોકડ રૂ.૧૦,૧૦૦ અને વાહન તથા મોબાઇલ સહિત કુલ રૂ.૨૫,૧૦૦ નો મુદામાલ કબજે કરી કાયદેસરની કાર્યવાહી કરી હતી.