વર્ષ -૨૦૨૪ તેની અંતિમ ઘડીઓ ગણી રહ્યુ છે. ઘણા લોકો માટે આ વર્ષ ખૂબ દુ:ખદ અને સંકટમય અને પીડાદાયક પસાર  થયુ હશે તો ઘણા માટે શુકનવંતુ પણ સાબિત થયુ હશે. વીતેલુ વર્ષ જેવુ ગયુ હોય તેવુ પરંતુ આવનારુ વર્ષ સહુ માટે સારુ જાય તેવી સ્વાભાવિક રીતે જ લોકો આશા અપેક્ષા રાખતા હોય છે ત્યારે પોરબંદરના બંદર વિસ્તારમાં ‘ઉજ્જડતા પાછળનો ઉજાસ’ શીર્ષક હેઠળ લેવાયેલી આ તસ્વીર માટે શબ્દોની કોઇ જ‚રિયાત જણાતી નથી. સવારે સૂરજ ઉગી રહ્યો છે તેના આગળના ભાગે વૃક્ષ સાવ ઉજ્જડ જેવુ ભાસી રહ્યુ છે પરંતુ તેની અમુક ડાળખીઓમાં પાંદડા ફૂટી રહ્યા છે અને જાણે હકારાત્મકતા પ્રસરાવીને સૂરજદાદા પણ એમજ કહી રહ્યા છે કે ‘વર્ષ -૨૦૨૪માં તમારી જિંદગી ભલે આ વૃક્ષ જેવી ઉજ્જડ બની ગઇ હોય પરંતુ વર્ષ -૨૦૨૫માં સોનેરી આશાઓ લઇને હું ઉગી રહ્યો છું અને તમારા બધામાં પણ હકારાત્મકતાનો પ્રકાશ ફેલાવી રહ્યો છું’ તેવો બોધ આપી રહ્યા છે.