લાખાબાવળ, નંદનવન સોસાયટી, મારવાડા વાસ, કાલાવડમાં પોલીસ ત્રાટકી

લાખાબાવળ ગામે રેલ્વે સ્ટેશનની સામે જાહેરમાં તિનપતીનો જુગાર રમતા પાંચ મહિલા સહિત સાતની એલસીબીએ 59 હજારના મુદામાલ સાથે અટકાયત કરી હતી. જયારે જામનગરના નંદનવન સોસાયટીમાં જુગારના બે દરોડામાં આઠ ઝપટમાં આવ્યા હતા અને કાલાવડ બસ સ્ટેન્ડ પાછળ ગંજીપતાની મોજ માણતા ચાર પત્તાપ્રેમી પોલીસની પકડમાં આવ્યા હતા.

લાખાબાવળ રેલ્વે સ્ટેશનની સામે પાણીના ટાંકા પાસે જાહેરમાં મહિલા સહિતના ગંજીપતા વડે જુગારની મોજ માણે છે એવી ચોકકસ બાતમીના આધારે એલસીબીની ટુકડીએ દરોડો પાડીને તિનપતીનો જુગાર રમતા લાખાબાવળના વેપારી નિકુલસિંહ કલુભા ચાવડા, બેડ ગામના પંકજ ખીમજી સોનગરા, સાધના કોલોનીના મધુબેન બિપીન રાવળ, ગીતાબા દિલીપસિંહ જાડેજા, પ્રણામીનગરના શાંતુબેન પ્રકાશ પરમાર, બેડ ગામના ચંદ્રીકાબેન અનિલ ગોસ્વામી અને મયુરગ્રીન સોસાયટીના ગીતાબેન પ્રકાશ બોરખતરીયાની અટકાયત કરી રોકડા 54800, 1 મોબાઇલ મળી કુલ 59800ના મુદામાલ સાથે અટકાયતમાં લીધા હતા.

બીજા દરોડામાં શહેરના નંદનવન સોસાયટી, મારવાડા વાસ સામે તિનપતીનો જુગાર રમતા સાધના કોલોનીના મુળ બિહારના ધનુ બીગુસાદ ગુપ્તા, નંદનવનના આનંદકુમાર રાજકુમારસીંઘ, શિવમકુમાર વિધાશંકર સવિતા, ક્રિષ્નાપાર્કમાં રહેતા વેપાર કરતા આશિષ દિલીપ મહેતાની અટકાયત કરી રોકડા 10200 જપ્ત કયર્િ હતા.

ત્રીજા દરોડામાં નંદનવન સોસાયટી જવાના રોડ પર તિનપતીનો જુગાર રમતા દરેડના મુળ એમપીના રાઘવેન્દ્ર અજુદી કાછી, ઓમકાર ગૌકાલ યાદવ, રાજેન્દ્ર મોહનલાલ દુબે અને મુળ બિહાર હાલ સાધના કોલોનીમાં રહેતા હરેરામ સત્યદેવશા શાહુની અટકાયત કરી રોકડા 10360 કબ્જે કયર્િ હતા આ બંને દરોડા સીટી-એ પોલીસે પાડયા હતા.

આ ઉપરાંત કાલાવડ બસ સ્ટેન્ડ પાછળ આવેલી શેરીમાં તિનપતીનો જુગાર રમતા કાલાવડના ઇમરાન ઉર્ફે ઇમુ હબીબ દોદાઇ, તૌફીક સતાર પતાણી, નવાઝ આરબ સોરા અને અનિષ ઇબ્રાહીમ સોરાની રોકડ 6950 અને પત્તા સાથે ધરપકડ કરી હતી.