ગુજરાત મકાન અને અન્ય બાંધકામ શ્રમયોગી કલ્યાણ બોર્ડની તબીબી સહાય યોજનાનો લાભ તા.૩૧ જુલાઈ સુધી મેળવી શકાશે

દેવભૂમિ દ્વારકા જિલ્લાના તમામ બાંધકામ શ્રમયોગી (ઈ-નિર્માણ)ને જણાવવાનું કે, તા.૧૬/૦૭/૨૦૨૪ થી તા.૩૧/૦૭/૨૦૨૪ સુધી ગુજરાત મકાન અને અન્ય બાંધકામ શ્રમયોગી કલ્યાણ બોર્ડની તબીબી સહાય યોજના અંતર્ગત બાંધકામ શ્રમયોગીઓની તબીબી તપાસ જેમાં ૧૭ પ્રકારના રિપોર્ટ (જેવા કે હ્રદય, કિડની, ડાયાબીટીસ, લીવર, થાઈરોઈડ વગેરે) ની તપાસ વિના મૂલ્યે સવાર ૦૯:૦૦ થી ૦૬:૦૦ દરમ્યાન જિલ્લા કચેરી, ગુજરાત મકાન અને અન્ય બાંધકામ શ્રમયોગી કલ્યાણ બોર્ડ, જૂની કોર્ટ બિલ્ડિંગ, જોધપુર ગેટ, જામ ખંભાળીયા, જિ.દેવભૂમિ દ્વારકા ખાતે કરી આપવામાં આવશે. આ માટે લાભાર્થીએ ઈ-નિર્માણ કાર્ડ નંબર તથા તેના નોંધાયેલ મોબાઈલ નંબર સાથે રાખવાનો રહેશે, તેમ ગુજરાત મકાન અને અન્ય બાંધકામ શ્રમયોગી કલ્યાણ બોર્ડની યાદીમાં જણાવાયું છે.