જીલ્લાના રોડ, રસ્તા, આરોગ્ય કેન્દ્ર, ચેકડેમ અને સ્કુલના વર્ગો સહિતની બાબતો પર ચર્ચા વિચારણા કરાશે

જામનગર જીલ્લા પંચાયતનું ૨૦૨૪-૨૫ના અંદાજપત્ર માટેની એક બેઠક આગામી તા. ૧૫ના રોજ બપોરે ૧૨ વાગ્યે જીલ્લા પંચાયતના સભાગૃહ ખાતે યોજાશે, જેમાં જામનગર જીલ્લામાં રોડ, રસ્તા, આરોગ્ય કેન્દ્ર, ચેકડેમ, સ્કુલના વર્ગો તેમજ જીલ્લા પંચાયતના ભવન અંગે પણ ચર્ચા વિચારણા કરવામાં આવશે.
આ બેઠકમાં તા. ૧૫ જાન્યુઆરીના રોજ મળેલી ત્રીજી સામાન્ય સભાની બેઠકની કાર્યવાહીને બહાલી આપવા તા. ૧૫થી ૧૪ ફેબ્રુઆરી સુધી મળેલી વિવિધ સમિતીઓની બેઠકોની કાર્યવાહીને પણ બહાલી આપવા ઉપરાંત બિનખેતી આકાર ઉપર જીલ્લા પંચાયતનો ઉપકર નાખવા તેમજ જી.પં. ૨૦૨૩-૨૪નું સુધારેલુ અંદાજપત્ર અને ૨૦૨૪-૨૫નું આ વર્ષનું અંદાજપત્ર રજુ કરવામાં આવશે.