આઇ શ્રી હિરલ માં આશીર્વાદ આપવા પધાર્યા

સલાયા લોહાણા મહાજનના માર્ગદર્શન હેઠળ ચાલતી નવરાત્રિમાં પાંચમા નોરતાના દિવસે પોરબંદરના પ્રખ્યાત કાન ગોપી મંડળના કલાકાર નાંગેશભાઈ ખુંટી કે જે ઇંઢોળિ વિના કાચના 4 ગ્લાસ ઉપર પાણીનો ભરેલો ગોરો રાખી અને ખૂબ સ્પીડથી માતાજીના રાસ રમ્યા હતા.આં રાસ જોઈ અને શ્રદ્ધાળુઓ જુમી ઉઠયા હતા.

લોહાણા મહાજનવાડીમાં માનવ મહેરામણ ઉમટી પડ્યો હતો. તેમજ આ પાચમાં નોરતે આઇ શ્રી હિરલ માં ખાસ પધાર્યા હતા. જેના દર્શન અને આશીર્વાદ લઈ લોકોએ પુણ્યનું ભાથું બાંધ્યું હતું. સલાયા લોહાણા નવરાત્રી સમીતી દ્વારા આઇ શ્રી હિરલ માં ને કાંબરી ઓઢાડી અને આશીર્વાદ લીધા હતા. અનેક દાતા પરિવારો દ્વારા દીકરીઓને લાણી વિતરણ કરવામાં આવ્યું હતું.