દેવભુમી દ્વારકા જીલ્લા પોલીસવડા નિતેશ પાંડેય તેમજ નાયબ પોલીસ અધિક્ષક સાગર રાઠોડની સુચનાથી દારૂ, જુગારની ગેરકાયદે ચાલતી પ્રવૃતી બંધ કરાવવા સુચના મળેલ હોય જેથી પીઆઇ ડી.એચ. ભટ્ટના માર્ગદર્શન હેઠળ પીએસઆઇ ટી.ડી. ચુડાસમાની રાહબરી હેઠળ સર્વેલન્સ સ્ટાફના માણસો દ્વારકા પોલીસ સ્ટેશન વિસ્તારમાં પેટ્રોલીંગમાં હતા.

દરમ્યાન સ્ટાફના એએસઆઇ રાણાભાઇ વાઘેલા, પો.કોન્સ પબુભાઇ સુમણીયા, જેશાભાઇ આંબલીયાની સંયુકત ચોકકસ બાતમી હકીકત આધારે દ્વારકા વસઇ કરંગ વાડી વિસ્તારમાં આરોપી રાજુભા કુંભાભા માણેકની કબ્જા ભોગવટાની વાડીએ દેશી દારૂ અંગે રેઇડ કરી પ્લાસ્ટીકના બેરલ તથા કેરબામાં દેશી દારૂ બનાવવાનો કાચો આથો 1440 લીટર કિ. 36000નો મુદામાલ કબ્જે કર્યો હતો. જયારે આરોપી હાજર મળી આવેલ ન હોય જેથી શોધખોળ આદરી છે.