જામજોધપુર તાલુકાના જામવાડી વિસ્તારમાં કેટલાક શખ્સો જાહેરમાં ગંજીપત્તાની મોજ માણી રહયા હોય એવી હકીકત આધારે સ્થાનીક પોલીસે દરોડો પાડીને પાંચ પત્તાપ્રેમીઓને પકડી ૧૦ હજારની મત્તા કબ્જે લીધી હતી.
જામજોધપુરના પીઆઇ વાય.જે. વાઘેલાના માર્ગદર્શન હેઠળ સ્ટાફના જે.ડી. મજીઠીયા, સામતભાઇ, અરજણભાઇ, અશોકભાઇ પેટ્રોલીંગમાં હતા ત્યારે બાતમી મળેલ કે જામવાડી ગામના વાડી વિસ્તારમાં ગોચરના હોકળા પાસે જાહેરમાં કેટલાક શખ્સો તિનપત્તીનો જુગાર રમે છે.
જેના આધારે પોલીસે દરોડો પાડીને જુગાર રમી રહેલા જામવાડીના અમૃતલાલ ધરમશી ખાંટ, જમનાદાસ પંચાણ ખાંટ, વલ્લભ ગોરધન અમૃતીયા, રમેશ પરસોતમ રાબડીયા અને પ્રકાશ કાન્તી ખાંટ નામના શખ્સોને રોકડા ૧૦૦૮૦ અને ગંજીફા સાથે દબોચી લીધા હતા.