જામનગર : ધ્રોલ નગરપાલિકામાં હરીફ ઉમેદવારનું અવસાન થતા વોર્ડ નં.૭ની ચૂંટણી રદ્દ કરાઈ

February 15, 2025 01:20 PM

જામનગર જીલ્લાની ધ્રોલ નગરપાલિકા સામાન્ય ચૂંટણી ૨૦૨૫નુ મતદાન આવતીકાલ તા.૧૬ ફેબ્રુઆરીના રોજ યોજવામાં આવશે. ચૂંટણી અન્વયે વોર્ડ નં ૧ થી ૭ ના ઉમેદવારોની યાદી બહાર પાડવામાં આવી છે. પરંતુ હરીફ ઉમેદવારોની યાદી મુજબ વોર્ડ નં.૭ માં કુલ ૧૦ ઉમેદવારોનો સમાવેશ કરવામાં આવ્યો છે. જે પૈકી ક્રમ નં.૩ પરના ભારતીય રાષ્ટ્રીય કોંગ્રેસ પક્ષના સામાન્ય વર્ગના ઉમેદવાર દશરથસિંહ જામસંગ જાડેજાનું તા.૧૩ ફેબ્રુઆરીના રોજ અવસાન થયું છે. જેની ખાતરી કરવામાં આવી છે. માટે માત્ર વોર્ડ નં.૭નું મતદાન રદ કરવામાં આવ્યું છે.

નગરપાલિકાની ચૂંટણીના સુધારેલા નિયમોમાં નિયમ ૫૧ તથા રાજ્ય ચૂંટણી આયોગના આદેશ મુજબ મળેલ અધિકારથી ધ્રોલ નગરપાલિકાના ચૂંટણી અધિકારી અને મદદનીશ કલેકટર સ્વપ્નિલ સિસલે દ્વારા ધ્રોલ નગરપાલિકા સામાન્ય ચૂંટણીના વોર્ડ નં.૭ નું મતદાન રદ્દ કરવા હુકમ કરવામાં આવ્યો છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application

જામનગર : ધ્રોલ નગરપાલિકામાં હરીફ ઉમેદવારનું અવસાન થતા વોર્ડ નં.૭ની ચૂંટણી રદ્દ કરાઈ

Recent News

Gujarat's No. 1 evening newspaper