ફ્રાન્સની એક કોર્ટે 74 વર્ષીય ભૂતપૂર્વ સર્જનને બે દાયકાના સમયગાળામાં લગભગ 299 બાળકોનું જાતીય શોષણ કરવા બદલ 20 વર્ષની જેલની સજા ફટકારી હતી. જોએલ લે સ્કૌરાનેક 299 બાળકો પર બળાત્કાર અને જાતીય શોષણ કરવા બદલ દોષિત ઠર્યો હતો. લે સ્કૌરાનેક પહેલાથી જ ચાર બાળકો પર બળાત્કાર કરવા બદલ 15 વર્ષની સજા ભોગવી રહ્યો છે, જેમાં તેના બે સંબંધીઓનો પણ સમાવેશ થાય છે. 2020 માં આ કેસમાં તેને દોષિત ઠેરવવામાં આવ્યો હતો.

પશ્ચિમ ફ્રાન્સના બ્રિટ્ટેનીમાં નવી ટ્રાયલ ફેબ્રુઆરીમાં શરૂ થઈ હતી અને 1989 થી 2014 વચ્ચે દુર્વ્યવહારનો એક દાખલો બહાર આવ્યો હતો. જાતીય શોષણ સમયે મોટાભાગના પીડિતો બેભાન અથવા હોસ્પિટલમાં દાખલ દર્દીઓ હતા. તેમની સરેરાશ ઉંમર 11 વર્ષ હતી. પીડિતોમાં 158 છોકરાઓ અને 141 છોકરીઓ હતી. ન્યાયાધીશોએ સજાની લંબાઈ અંગે સરકારી વકીલની ભલામણ સ્વીકારી અને મોરબિહાનની ફોજદારી અદાલતે આદેશ આપ્યો કે સ્કોરાનેકને તેની સજાના ઓછામાં ઓછા બે તૃતીયાંશ ભાગ સજા ભોગવવી પડશે તે પહેલાં તે મુક્તિ માટે પાત્ર બનશે.

સ્કોરાનેકે ૨૯૯ બાળકો ઉપરાંત ઘણા વધુ બાળકોનું જાતીય શોષણ કર્યાની કબૂલાત કરી હતી. તેણે કોર્ટને જણાવ્યું હતું કે તેણે ૧૯૮૫માં તેની ભત્રીજીનું પ્રથમ જાતીય શોષણ કર્યું હતું જ્યારે તે માત્ર પાંચ વર્ષની હતી. આ કેસ સૌપ્રથમ ૨૦૧૭માં પ્રકાશમાં આવ્યા હતા જ્યારે છ વર્ષની બાળકીએ તેની માતાને કહ્યું હતું કે તેના પડોશમાં રહેતી સ્કોરાનેકે તેનું જાતીય શોષણ કર્યું હતું.

તેના ઘરની તપાસ કરતાં ૩,૦૦,૦૦૦ થી વધુ ફોટોગ્રાફ્સ, ૬૫૦ પોર્નોગ્રાફિક વિડિયો ફાઇલો (જેમાં બાળ જાતીય શોષણ, પ્રાણીઓ સાથે સેક્સ વગેરે સંબંધિત સામગ્રીનો સમાવેશ થાય છે), તેમજ કેટલીક નોટબુક મળી આવી હતી જેમાં તેણે બાળ જાતીય ગુનાઓ વિશે વાત કરી હતી અને તેની પ્રવૃત્તિઓની વિગતો લખી હતી. ૨૦૦૫માં બાળ પોર્નોગ્રાફી રાખવા બદલ તેને ચાર મહિનાની જેલની સજા ફટકારવામાં આવી હતી.