જામનગરમાં રણજીત સાગર રોડ પર પટેલ પાર્ક નજીક જડેશ્વર મંદિર પાસે મેઇન રોડ પર એક કાર બેકાબુ બનીને ડિવાઇડર પર ચડી ગઈ હતી.  જીજે ૧૦ સી.એન. ૯૨૩૪ નંબરની કાર, કે જેના ચાલકની બેદરકારીને કારણે ડિવાઈડર પર ચડી ગઈ હતી, અને ત્યારબાદ ત્યાંજ થંભી ગઈ હતી. સદભાગ્યે આ અકસ્માતમાં કોઈને જાનહાની થઈ ન હતી, અને લોકોના ટોળા એકત્ર થયા હતા.

સ્થાનિક લોકોની મદદથી કારને ડિવાઇડર ઉપરથી નીચે ઉતારી લેવામાં આવી હતી. સ્થાનિકોના જણાવાયા અનુસાર ઉપરોક્ત કાર કોઈ મહિલા ડ્રાઇવ કરતી હોવાનું જણાવાયું હતું. પોલીસને આ બનાવની જાણ થતાં સિટી એ. ડિવિઝનની પોલીસ ટિમ ઘટના સ્થળે દોડી ગઈ હતી, અને સમગ્ર બનાવ મામલે વધુ તપાસ હાથ ધરી છે.