ત્રણ સામે નોંધાવાતી ફરિયાદ

જામનગરમાં નવાગામ ઘેડ નજીક મધુરમ સોસાયટીમાં રહેતા અને કેટરિંગ સર્વિસમાં કામ કરતા બે ભાઈઓ ઉપર કેટરીંગ સર્વિસના પૈસાની લેતી દેતી ના મામલે ૩ શખ્સો એ લોખંડના પાઇપ અને લાકડી વડે હુમલો કરી ઇજા પહોંચાડ્યા ની ફરિયાદ પોલીસમાં નોંધાવાઇ છે. પોલીસે બે હુમલાખોર આરોપીઓને ઝડપી લીધા છે.

આ હુમલાના બનાવની વિગત એવી છે કે જામનગરમાં નવાગામ ઘેડ નજીક મધુરમ સોસાયટીમાં રહેતા અને કેટરિંગ સર્વિસ માં કામ કરતા ધર્મેશ દિલીપભાઈ ગોહિલ નામના ૩૩ વર્ષના યુવાને પોતાના ઉપર તેમજ પોતાના ભાઈ હિતેશ ઉપર લોખંડના પાઇપ અને લાકડી વડે હુમલો કરી ઇજા પહોંચાડવા અંગે અલ્પેશ કોળી, સંજય કોળી અને પરેશ કોળી સામે ફરિયાદ નોંધાવી છે.

જેમાં ફરીયાદી યુવાનને માથામાં વધુ ઈજા થઈ હોવાથી ટાંકા લેવા પડ્યા છે. પોલીસ ફરિયાદમાં જાહેર કરાયા અનુસાર બંને ભાઈઓ કેટરિંગ સર્વિસ માં કામ કરતા હતા, જ્યાં આરોપી અલ્પેશની પત્ની પણ કામ કરે છે, અને પૈસાની લેતી દેતીના મામલે ઝઘડો થયા પછી આ હુમલો કરાયા નું જાહેર થયું છે. પોલીસે અલ્પેશ અને સંજય નામના બે આરોપીઓની અટકાયત કરી લીધી છે.