પગમાં દોરડા વડે પથ્થર બાંધી કુવો પુર્યો : કારણ જાણવા પોલીસની તપાસ

જામજોધપુરમાં રહેતા ખેતીકામ કરતા પટેલ વૃઘ્ધે કોઇ અગમ્ય કારણસર કુવામાં ઝંપલાવીને આપઘાત કરી લીધાનું બહાર આવતા ચકચાર મચી ગઇ છે, પોલીસ દ્વારા બનાવ પાછળનું કારણ જાણવા તપાસ લંબાવવામાં આવી છે.

જામજોધપુરમાં રહેતા અશ્ર્વીનભાઇ દેવરાજભાઇ રાબડીયા (ઉ.વ.64) નામના વૃઘ્ધે ગઇકાલે કોઇ કારણસર સીમાડા સીમ વિસ્તારમાં આવેલી પોતાની વાડીએ પગમાં દોરડા વડે પથ્થર બાંધીને પાણી ભરેલા કુવામા પડી જઇ ડુબી જતા મૃત્યુ થયુ હતું.

આ અંગેની જાણ ઉપલેટા ખાતે રહેતા અને વેપાર કરતા જીમીત અશ્ર્વીનભાઇ રાબડીયાએ જામજોધપુર પોલીસમાં કરી હતી. જેના આધારે પોલીસ દ્વારા બનાવ પાછળનું કારણ જાણવા તપાસ હાથ ધરી છે.