જામનગર નજીક નાધેડીમાં રહેતો યુવાન  પોતાના શરીરે ૨૫ કીલો વજનની સાંકળ બાંધી હાજીપીરની પદયાત્રાએ નીકળ્યો છે. જે ૩૭૫ કી.મી.ની યાત્રા પૂર્ણ કરતાં તેને ૧૪ દિવસનો સમય લાગશે. જામનગરના નાઘેડી ગામે રહેતો ગફાર મામંદભાઈ લંઘા (ઉ.વ.૩૫) કે જે ૨૫ કીલો વજનની લોખંડની સાંકળ શરીરે બાંધી પરિવાર સાથે કચ્છ જીલ્લામાં આવેલી હઝરત હાજીપીરની દરગાહની પગપાળા યાત્રા કરશે.  તેમણે ગત શુક્રવારે રાત્રીના પદયાત્રા જામનગર-રાજકોટ હાઇવે પર આવેલી હઝરત મલંગશાપીરની દરગાહથી શરુ​​​​​​​ કરી છે. જે યુવાન લોખંડની સાંકળ શરીરે બાંધી ૩૭૫ કિલોમીટર પગપાળા પદયાત્રા કરશે. તેમની સાથે તેના બહેન ફાતેમા, બનેવી ઈમરાન, ભાણેજ સોનુ અને સોયબ પગપાળા યાત્રામાં સાથે રહેશે. એક દિવસમાં તે સરેરાશ ૨૫ થી ૩૦ કીમીનું અંતર કાપશે. આથી તેને હાજીપીરની દરગાહ પહોંચતાં ૧૪ દિવસ લાગશે.​​​​​​​