મહુવાની  માલણ નદી માંથી અજાણ્યા પુરુષનો મૃતદેહ મળી આવતા ખુંટવડા પોલીસે મૃતદેહનો કબ્જો લઈ તેને પોસ્ટ મોર્ટમ માટે હોસ્પિટલમાં ખસેડી ઓળખવિધિ હાથ ધરતા મૃતક મહુવાના કુંભણ ગામે રહેતા હોવાનું તેમજ ગઈ તા. ૨૦મી નારોજ કામે જવાનું કહીં ઘરેથી બાઈક લઈ નીકળી ગયા બાદ નદીમાં કૂદી આપઘાત કર્યાનું ખુલ્યું હતું.
મહુવાની માલણ નદીમાંથી અજાણ્યા પુરુષનો મૃતદેહ મળી આવતા ખુંટવડા પોલીસે મૃતદેહને કાઢી તેને પોસ્ટ મોર્ટમ માટે હોસ્પિટલમાં ખસેડ્યો હતો. અને મૃતકની ઓળખવિધિ સહિતની કાર્યવાહી હાથ ધરતા મૃતક મહુવાના કુંભણ ગામે રહેતા નિઝામભાઈ મહંમદભાઈ સૈયદ હોવાનું અને તેઓ  મંગળવારના રોજ સવારે ૧૧ વાગ્યાં આજુબાજુ  સૈયદ નિજામભાઈ કુંભણ થી કામ પર સાવરકુંડલા જવાનુ કહીં બાઈક પર નીકળી ગયા હતા. ત્યાર બાદ નિઝામભાઈની કોઈ ભાળ ન મળતા તેમના પરિવારજનોએ શોધખોળ કરી હતી. દરમ્યાન ગત મોડી સાંજે તેમનો મૃતદેહ મળી આવ્યો હતો. મૃતક એલ્યુંમેનિયમની મજૂરી કસમ કરતા હોવાનું અને છેલ્લા ઘણા સમયથી કામ ન મળતા હતાશામાં આવી તેમણે અંતિમ પગલું ભરી લીધું હોવાનું ખુંટવડા પોલીસ મથકના જમાદાર ભાવેશભાઈએ જણાવ્યું હતું.