ચાર દિવસમાં આશરે દોઢે’ક કરોડની વિજ ચોરી પકડાઈ: આગામી દિવસોમાં ઑપરેશન વધુ થશે

પીજીવીસીએલ દ્વારા છેલ્લા ત્રણ-ચાર દિવસથી જે જે વિસ્તારોમાં વિજ લૉસ આવે છે તે વિસ્તારમાં ચેકિંગની કાર્યવાહી કરવામાં આવી રહી છે, ગામડાઓમાં લગભગ પ૦થી વધુ ટીમો દ્વારા વિજચોરી પકડવામાં આવી રહી છે, ગઈકાલે અડધા કરોડની વિજચોરી પકડાઈ છે અને ચારે’ક દિવસમાં આશરે દોઢે’ક કરોડની વિજ ચોરી પકડી પાડવામાં આવતાં વિજચોરામાં ફફડાટની લાગણી જન્મી છે.
પશ્ચિમ ગુજરાત વીજ કંપની લિમિટેડ દ્વારા સતત ચોથા દિવસે પણ જામનગર જામજોધપુર અને લાલપુરના  ગ્રામ્ય વિસ્તારમાં પાવર ચોરી ઝડપી લેવા માટે ચેકિંગ કામગીરી હાથ ધરવામાં આવી હતી. જેમાં આજે કુલ ૫૦.૧૭ લાખની વીજ ચોરી ઝડપાઈ હતી.
પીજીવીસીએલની કુલ ૫૦  ટીમ દ્વારા જામનગર  જિલ્લાના જામજોધપુર અને લાલપુર તાલુકાના ભણગોર, સણોસરા, સણોસરી,  આંબરડી, વનાણા, મેઘપર, હોથીજી ખડબા, ઈશ્વરીયા અને મોટી વેરાવળ તથા જામનગર તાલુકાના સરમત, લાખાબાવળ, મસીતિયા, કનસુમરા અને ઢિચડા ગામમાં વીજ ચેકિંગ હાથ ધરવામાં આવ્યું હતું.
આ દરમિયાન કુલ ૫૩૭ વીજ જોડાણ તપાસવામાં આવ્યા હતા. તેમાંથી ૧૦૬ વીજ જોડાણ માં ગેરરિતી જણાતાં તેમના આસામી ને કુલ ૪૦ લાખ ૧૭  હજાર ના વીજ બિલ  આપવામાં આવ્યા હતા હતાં.આમ  ચાર  દિવસમાં કુલ૧૮૮.૫૯ લાખની પાવર ચોરી ઝડપાઈ છે.